每個人出生的時候都是原創 炮台山文青好去處油街實現

21

炮台山文青好去處 | 「每個人出生的時候都是原創」,本篇就用一句優雅嘅文青句子,開始介紹炮台山嘅油街實現啦!香港近年多咗好多文青藝術空間,唔少仲喺位於城市中心,除咗為大家喺繁忙嘅城市生活帶嚟慢活嘅生活步調,更可以讓原創藝術融入生活當中。放假嚟到炮台山嘅油街實現,原來全新嘅藝術空間已經啟用,即刻睇吓有咩文青打卡點啦!

〈好遊〉每個人出生的時候都是原創 炮台山文青好去處油街實現

香港皇家遊艇會會所
一入到嚟油街實現,就會見到一座英式紅磚建築物,原來呢座建築物已有過百年歷史,前身為香港皇家遊艇會會所,被列為香港二級歷史建築後,活化成為推廣視覺藝術嘅公共藝術空間:油街實現。

〈好遊〉每個人出生的時候都是原創 炮台山文青好去處油街實現

油街實現
活化後嘅油街實現喺2013年正式開放啟用,相信唔少人都去過參觀。但點解叫做油街實現,實現啲咩呢?原來油街實現係取地址「油街12號」嘅諧音,當然亦希望藝術可以喺油街實現啦!另外,活化後嘅建築物當然仍保留原貌,紅磚牆、純白色窗框同黑色磚瓦頂,已經充滿英殖情懷,係一個歷史留俾我哋嘅打卡點。

〈好遊〉每個人出生的時候都是原創 炮台山文青好去處油街實現

油街實現二期
過往嘅油街實現,因為受限於古建築物嘅面積,令展覽嘅規模唔夠多元化,被唔少人批評唔夠吸引。但隨住油街實現二期正式啟用,藝術嘅空間隨即倍增,展出嘅作品就更多可能性啦!

〈好遊〉每個人出生的時候都是原創 炮台山文青好去處油街實現

油街實現二期新增咗油街玻璃屋、油街花園、油街涼亭及油街陽台。其中油街玻璃屋係一座現代化嘅建築物,充滿時代感嘅設計,加入大量嘅採光度。雖然油街實現二期同旁邊嘅古建築走兩個極端,但絕對唔會有違和感。油街玻璃屋嘅上層係一個玻璃館的展覽場地,定期舉行唔同嘅本地藝術展覽。

〈好遊〉每個人出生的時候都是原創 炮台山文青好去處油街實現

至於,旁邊嘅露天劇場除咗播放適合進行文化活動或音樂表演,螢幕更可以加入近期流行嘅沉浸式藝術,讓藝術品有更多嘅變化。另外,油街實現嘅展品會不定期更新,大家可以去到油街實現嘅官方網站或社交媒體了解最新消息,又或者每次路過嘅時候,都可以入嚟行吓,或者喺公共空間休息吓,讓原創藝術融入生活當中,可能為你帶嚟唔少驚喜呢!

〈好遊〉每個人出生的時候都是原創 炮台山文青好去處油街實現