和牛控即Bookmark!尖沙咀上州一頭和牛

50

上州一頭和牛全新分店正式登陸尖沙咀,鍾意食和牛燒肉嘅朋友真係要即刻bookmark呀!餐廳以日本A5和牛作為餐廳一大主打,入口即熔嘅和牛,味蕾好似飛咗轉日本旅行呀!另外,上州一頭和牛更推出非常罕見,糅合關東風及關西風嘅水煎鍋。記得睇到文末嘅餐廳新張期間限定優惠,夠晒抵食呀!

極上水煎鍋
使用特製嘅水煎鍋,將關東風同關西風糅合,一次過就可以享受三種唔同食法。喺水煎鍋嘅正中心係鐵板,大家可以品賞傳統燒肉;圍住鐵板嘅可以喺四款湯底揀兩個,品嘗日式火鍋;最後一種就係水煎食法,店員建議先將肉放入火鍋,然後放上燒板再燒,咁樣嘅肉質會更焦脆,而且肉汁更香濃!至於呢個極上水煎鍋包括A5日本上州牛西冷、A5日本上州牛板腱、M7澳洲和牛外肩胛、美國牛小排、西班牙黑毛豬梅頭片同鹿兒島雞扒。最正當然係油花豐富細緻、肉香味非常濃郁、入口即熔嘅A5日本上州牛西冷,真係食唔停口呀,而且經過水煎食法,肉質非常juicy,唔會太乾!呢個極上水煎鍋除咗6品嘅肉類,仲配埋野菜拼盤同白飯,夠晒豐富。

〈好食〉OMG,和牛控即Bookmark!尖沙咀上州一頭和牛
〈好食〉OMG,和牛控即Bookmark!尖沙咀上州一頭和牛

牛舌
我哋每次食日式燒烤,都一定會叫牛舌!燒到外層焦香嘅厚切牛舌,肉汁被鎖住,肉質軟腍彈牙仲好有牛嘅香味,肉汁豐富濃厚!

〈好食〉OMG,和牛控即Bookmark!尖沙咀上州一頭和牛

海鮮拼盤
本身以為上州一頭和牛只有肉,原有都有海鮮架!呢個拼盤有虎蝦、北海道帶子、廣島蠔同墨魚鬚,啱晒2個人share。虎蝦夠晒驚喜,蝦頭爆多蝦膏,至於肉質非常新鮮彈牙;另外,北海道帶子大大隻,燒到外層微焦,口感外脆內軟,真係好想再encore!

〈好食〉OMG,和牛控即Bookmark!尖沙咀上州一頭和牛

凍荔枝西柚水果綠茶、凍熱情果菠蘿水果烏龍茶
食咗咁多嘢,就梗係要叫番啲特飲refresh吓!水果茶可以自由揀選茶底,有綠茶、紅茶同烏龍茶,加上新鮮水果,真係非常清新又解喝。