冷門港鐵站搵食 大窩口明洞包車

53

喺港鐵系統內,總共有97個車站,如果要你數最冷門嘅港鐵站,相信大窩口肯定榜上有名,所以我哋決定去大窩口發掘好味道啦!本身以為大窩口一帶都係本地居民嘅住所,所以餐廳都應該以港式美食為主,但勢估唔到竟然搵到居港韓國人開嘅韓國餐廳,味道非常正宗呢!

甜辣炒年糕
講到韓式嘅小食,第一時間就諗到甜辣炒年糕!韓式年糕煙煙韌韌,索晒韓式嘅甜辣汁,入口先由辣味搶攻,繼而甜味慢慢滲出,中和返辣度之餘,味道仲好有層次。除咗年糕之外,其他配料仲有魚蛋同雞蛋,充滿明洞街頭風味。

<好食>冷門港鐵站搵食 大窩口明洞包車

甜辣炸雞
記得以前第一二次去韓國旅行嘅時候,雞通常都係配人蔘,點會拎去炸㗎!但因為早幾年嘅人氣韓劇,令韓式炸雞成為熱潮。明洞包車嘅甜辣炸雞,雞件即叫即炸,上枱夠晒熱辣辣。甜甜辣辣嘅味道加上Supreme醬,多了份酸酸哋嘅感覺,平衡返油膩感。至於雞肉肉質超嫩滑,雞皮鬆脆,外脆內嫩。

<好食>冷門港鐵站搵食 大窩口明洞包車

豬肉炒粉絲
韓式粉絲煙靭軟綿,加上豬肉同蔬菜絲,簡簡單單嘅韓國風味,而且份量十足,夠晒飽肚抵食!

<好食>冷門港鐵站搵食 大窩口明洞包車