極度豐富自助餐注意!實測北角香港維港凱悅尚萃酒店The Farmhouse

29

自助餐絕對係港人慶祝嘅指定動作,但講到自助餐就梗係要款式多,出去行5、6轉都仲有好多嘢想食,咁先夠滿足啦!推介位於北角嘅香港維港凱悅尚萃酒店The Farmhouse,The Farmhouse自助餐嘅選擇非常豐富,海鮮、刺身、冷盤、中印西式熱薰、甜品等等,應有盡有。另外,The Farmhouse亦會定時更新自助餐菜單,確保大家每次都有新鮮感,而今期就以非常少見嘅地中海風味為主題,夠晒驚喜!

〈好食〉極度豐富自助餐注意!實測北角香港維港凱悅尚萃酒店The Farmhouse

期間限定:地中海風味主題自助餐
平時嘅自助餐主題,離不開日韓台泰,但今次The Farmhouse嘅自助餐,就帶我哋飛遠啲,嚟到地中海。自助餐主打嘅地中海美食,包括原條塞拉諾火腿、希臘沙律、希臘炸雞腿、茄子肉醬千層批、地中海茴香烤南瓜露筍、地中海焗魚柳、土耳其燉牛尾、大蝦龍蝦汁燴大麥米等等。我哋就特別鍾意地中海焗魚柳,魚肉非常嫩滑,加入蕃茄、檸檬、橄欖調味,味道酸酸哋,非常開胃。除咗沙律同熱薰之外,就連甜品都融入地中海元素,包括檸檬紅莓蛋糕、西班牙吉拿棒配以朱古力醬等。不過,最驚喜係由專人即場調配嘅紅、白桑格利亞酒(Sangria)!喺維港景色下嘆住地中海嘅美酒美食,味蕾彷彿帶我去到蔚藍海岸同藍白色屋仔嘅地中海海島!

〈好食〉極度豐富自助餐注意!實測北角香港維港凱悅尚萃酒店The Farmhouse
〈好食〉極度豐富自助餐注意!實測北角香港維港凱悅尚萃酒店The Farmhouse
〈好食〉極度豐富自助餐注意!實測北角香港維港凱悅尚萃酒店The Farmhouse

冰鎮海鮮
除咗期間限定嘅主題,食自助餐嘅重點當然係海鮮啦!香港維港凱悅尚萃酒店The Farmhouse嘅平日自助晚餐就已經提供6款海鮮選擇:長腳蟹、青口、蜆、凍蝦、翡翠螺、麵包蟹。麵包蟹啲蟹膏多到跌出嚟,非常鮮甜,至於蟹肉新鮮結實;另一款推介係漲卜卜又厚肉嘅蜆,值得瘋狂encore。至於周末嘅自助晚餐,仲有波士頓龍蝦供應添!

〈好食〉極度豐富自助餐注意!實測北角香港維港凱悅尚萃酒店The Farmhouse

即切刺身
除咗冰鎮海鮮,刺身都係自助餐嘅重點之一。刺身即叫即切,選擇有三文魚、吞拿魚、油甘魚、八爪魚同希靈魚,款款都非常新鮮!其他日式選擇仲有雜錦壽司、中華沙律、冷麵、烏冬。

〈好食〉極度豐富自助餐注意!實測北角香港維港凱悅尚萃酒店The Farmhouse

沙律頭盤
食完海鮮同刺身,食熱薰之前就一於食啲沙律中和下先。沙律選擇有泰式牛肉沙律、牛油果蕃茄沙律、花雕醉雞沙律,仲有四款芝士同自家醃製煙三文魚、莎樂美腸、意式肉醬、薰牛肉、伊比利亞黑毛豬火腿配無花果沙律等。其中伊比利亞黑毛豬火腿採用24個月嘅西班牙黑毛豬整成,油香十足,肉味非常香濃。

〈好食〉極度豐富自助餐注意!實測北角香港維港凱悅尚萃酒店The Farmhouse

熱薰熟食
食完海鮮同頭盤,記住留肚食熱薰熟食呀!The Farmhouse嘅自助餐,熱薰熟食提供唔同菜式選擇,明火靚湯、港式燒臘、港式點心、潮州滷水、川式水煮肉片、粵式蒜蓉果皮蒸魚柳、印度咖喱、西式切肉等,款式選擇超過20款!特別推介平時大家食自助餐都會錯過嘅燒臘,叉燒蜜糖味香濃,半肥瘦真係好好味!

〈好食〉極度豐富自助餐注意!實測北角香港維港凱悅尚萃酒店The Farmhouse
〈好食〉極度豐富自助餐注意!實測北角香港維港凱悅尚萃酒店The Farmhouse
〈好食〉極度豐富自助餐注意!實測北角香港維港凱悅尚萃酒店The Farmhouse

燒烤專區
如果你係肉食愛好者,自助餐除咗提供西式切肉區嘅即切烤安格斯黑牛西冷同烤豬肉卷之外,The Farmhouse嘅自助餐仲有燒烤食,食物選擇有烤豬頸肉、烤魷魚、摩洛哥羊肉香腸、烤羊膝、大啡菇同翠玉瓜,最正當然係烤豬頸肉啦!豬頸肉嘅肉質爽口,帶有焦香味,真係好吸引呀!