華富邨瀑布美景 南區瀑布灣瀑布

37

華富邨除咗係香港其中一條最早期又好有代表性嘅公共屋邨之外,仲有一條好多傳聞嘅瀑布,佢就係瀑布灣。瀑布灣位於瀑布灣公園內,亦係南區海濱長廊嘅其中一段,而瀑布嘅水源原自薄扶林水塘,亦有「扶林飛瀑」之稱。

<好遊>華富邨瀑布美景 南區瀑布灣瀑布

提提你
1. 瀑布灣有好多傳聞同鬼故故事,當中最出名嘅鬼故當然就係白衣女子啦!其實有咁多傳聞,主要都係想嚇吓啲小朋友,因為瀑布灣曾發生多次溺斃嘅事故,所以大家郊遊時,記住要小心安全,唔好喺溪澗游水
2. 大家記住保持環境清潔,自己垃圾自己帶走,絕對唔可以破壞大自然環境
3. 瀑布外嘅瀑布公園設有公眾洗手間,方便遊客

<好遊>華富邨瀑布美景 南區瀑布灣瀑布

前往方法
1. 乘坐往華富邨嘅巴士,喺華富(一)商場沿瀑布灣道往下行,就會到達瀑布灣公園
2. 瀑布灣公園設有收費露天停車場,自駕人士可以泊喺呢度,夠晒方便

<好遊>華富邨瀑布美景 南區瀑布灣瀑布

香港名稱由來
作為東亞最重要嘅港口,以前有唔少商船都會停留瀑布灣避風同取用食水,並稱此處為香江。

<好遊>華富邨瀑布美景 南區瀑布灣瀑布

香港八景
早喺清朝嘉慶初年,《新安縣志》就將瀑布灣選為「新安八景」;喺1940年前亦被記載為「香港八景」之一。直至1963年薄扶林水塘落成,自此瀑布就失去昔日壯觀嘅情景。雖然我哋冇機會見到以前氣勢磅礡嘅瀑布,但反而有一種清幽嘅感覺。

<好遊>華富邨瀑布美景 南區瀑布灣瀑布
<好遊>華富邨瀑布美景 南區瀑布灣瀑布