馳名秘製豬扒 尖沙咀華香園

37

】海防道熟食中心係尖沙咀嘅平民飯堂,入面有大概10間大排檔選擇,除咗牛丸麵同餐蛋麵之外,入面仲有幾間大排檔標榜自己嘅豬扒遠近馳名,係海防道名物,但邊間先係最好味?我哋就喺海防道熟食中心幾間大排檔入面隨意揀咗華香園,試試佢哋嘅豬扒啦!

<好食>馳名秘製豬扒 尖沙咀華香園

豬扒米粉
豬扒預先切件,味道都幾入味,鹹香十足,但略嫌油咗少少。反而米粉唔錯,夠滑又爽,加埋秘制辣椒油,味道大大提升。

<好食>馳名秘製豬扒 尖沙咀華香園

豬扒雞中翼飯
至於雞翼炸得乾身,皮香肉嫩,又幾好味喎!白飯可以加埋枱面嘅甜豉油,就更加惹味。

<好食>馳名秘製豬扒 尖沙咀華香園

咖吔厚多士
檔主推介嘅咖吔厚多士,價錢有啲貴,本身充滿期待,但事實卻係失望。厚多士一啲都唔厚,而且咖吔味勁淡,勝在麵包夠鬆脆囉。

<好食>馳名秘製豬扒 尖沙咀華香園