銅鑼灣台風味 段純貞牛肉麵

16

無得飛就嚟轉味蕾小旅行啦!講起台灣美食,除咗掃街夜市,又點少得紅燒牛肉麵呢?今次同A姐去到源自台灣新竹市,位於銅鑼灣嘅段純貞牛肉麵分店,創辦人為紀念已故祖母段純貞所創立嘅品牌,而呢度嘅代表當然就係濃郁嘅牛肉湯底啦!

〈好食〉銅鑼灣台風味 段純貞牛肉麵

紅油抄手
紅油抄手色水夠晒紅,聞落仲充滿麻香味添!食落唔算太辣,香料豐富,好有層次。抄手裏面除咗豬肉,仲有蝦仁,令口感大大提升。

〈好食〉銅鑼灣台風味 段純貞牛肉麵
〈好食〉銅鑼灣台風味 段純貞牛肉麵
〈好食〉銅鑼灣台風味 段純貞牛肉麵

三寶麵
呢度嘅招牌菜當然係牛肉麵,但貪心嘅我哋就試咗三寶面,除咗腱心之外,仲有牛筋同牛肚,夠晒豐富。至於上枱嘅第一件事當然要試吓個湯啦,呈深啡色嘅湯底,視覺效果已經感覺到佢嘅濃郁,原來湯底用咗23種唔同嘅中藥材、天然牛脂、老薑、八角、紅蘿蔔、白蘿蔔等熬製而成,味道非常香濃,甚有層次。至於配了方面,份量非常足,牛筋入晒味,滑溜軟腍;牛肚爽口彈牙;腱心夠嫩滑,好驚喜。麵底方面揀咗手工麵,由於麵條厚薄長短不一,所以食嘅時候好有口感,非常掛湯,好滿足。

〈好食〉銅鑼灣台風味 段純貞牛肉麵
〈好食〉銅鑼灣台風味 段純貞牛肉麵

燉濃湯雞麵
除咗牛肉湯,呢度嘅雞湯亦非常充料!雞湯湯色清澈,雞味濃郁,絕對係精華所在。大大隻雞比預先斬半,食嘅時候非常方便。另外雞嘅生熟度啱啱好,雞肉非常嫩滑,好juicy!