酒店世一自助早午餐 高質海港城太子酒店SAVVY

37

超驚喜嘅自助餐呀!話說,香港人嘅生日、紀念日、母親節同父親節等等嘅慶祝節日都好鍾意搵間酒店嘆自助餐,所以嚟到我哋嘅週年紀念日,我哋就揀咗位於尖沙咀海港城嘅太子酒店SAVVY,SAVVY全新裝修,環境舒適,而呢度嘅週末自助早午餐選擇除咗海鮮同好多驚喜嘅pass around食物之外,每位成人同行嘅1位11歲或以下之小朋友仲可享免費用餐優惠添,性價比超晒班呀!

〈好食〉酒店世一自助早午餐 高質海港城太子酒店SAVVY

SAVVY
位於尖沙咀海港城太子酒店嘅SAVVY,近期翻新重開後,一直都喺我哋嘅bucket list之內,因為餐廳充滿格調,氣氛環境唔錯。至於SAVVY主要分為三個部份:酒吧、酒廊同我哋今次食自助餐嘅餐廳。平日嘅SAVVY提供半自助餐,而我哋今日就食週末嘅自助早午餐,餐廳分為唔同區域,有海鮮、沙律冷盤、餐湯、切肉熱葷、甜品等等之外,仲會由店員以pass around形式嘅精選食物。SAVVY會不定期更新菜單,而今日就有唔少泰國同印度菜式,一解我哋久久嘅旅行癮。

〈好食〉酒店世一自助早午餐 高質海港城太子酒店SAVVY
〈好食〉酒店世一自助早午餐 高質海港城太子酒店SAVVY

SAVVY週末自助早午餐:海鮮
講到食自助餐嘅回本之選,又點少得海鮮呢!呢度嘅海鮮有龍蝦、麵包蟹、青口、小龍蝦、大蜆。龍蝦預先開邊,肉質彈牙,仲有唔少膏,非常鮮甜!除咗龍蝦,大蜆係我哋瘋狂encore嘅海鮮!SAVVY嘅大蜆預先加入咗秘製醬汁調味,同平時自己加上cocktail sauce嘅食法好唔同,味道好有層次,突出大蜆嘅鮮甜味!

〈好食〉酒店世一自助早午餐 高質海港城太子酒店SAVVY

SAVVY週末自助早午餐:沙律冷盤
SAVVY嘅沙律冷盤選擇非常多,除咗沙律菜之外,仲有廚師特調嘅沙律,例如欖菜肉鬆沙律,當然仲有唔少得泰式主題嘅泰式扎肉沙律同泰式海鮮沙律,好fresh呀!

〈好食〉酒店世一自助早午餐 高質海港城太子酒店SAVVY

SAVVY週末自助早午餐:餐湯
今日嘅湯有兩款,分別係南瓜忌廉湯、南北杏節瓜豬骨湯。我哋每人飲咗兩碗南北杏節瓜豬骨湯,因為勁足料又無味精感覺,啱晒平時少湯水嘅我哋。

SAVVY週末自助早午餐:切肉熱葷
SAVVY嘅熱葷取餐區設計成開放式廚房,等大家可以近距離欣賞到廚師嘅功架,但最大嘅賣點係,廚師會不斷翻熱食物,讓食物保持最新鮮熱辣嘅溫度。至於食物選擇有京燒銀雪魚、紅酒燴羊肉、燉雜菜、胡椒炒蟹、印尼炒飯配沙嗲、印度烤雞、印度蝦咖喱、泰式豬頸肉黃咖喱、泰式青咖喱雞、叉燒菜心炒飯等等。特別一讚係SAVVY自助早午餐提供嘅印度菜,全部都係由印度廚師即叫即做,充滿風味!另外,千祈唔好笑我,因為我食咗兩大碗叉燒菜心炒飯。雖然話自助餐好少食飯,但呢個叉燒菜心炒飯夠晒鑊氣,非常足料,超級超級好味!切肉就係即切烤牛肉,牛肉嘅火候控制非常好,肉質嫩滑,肉味濃郁!

〈好食〉酒店世一自助早午餐 高質海港城太子酒店SAVVY
〈好食〉酒店世一自助早午餐 高質海港城太子酒店SAVVY
〈好食〉酒店世一自助早午餐 高質海港城太子酒店SAVVY

SAVVY週末自助早午餐:Pass Around
所謂Pass Around,即係店員以循環不斷嘅方式,將新鮮即製嘅食物送到去你餐枱前。好似今日就有芝士焗扇貝、燒大頭蝦、炸素春卷等等。我哋都非常欣賞呢個上菜模式,除咗食物夠新鮮之外,店員仲會同你交流,加添自助餐少見嘅互動。除咗熱食,Pass Around仲有甜品,除咗啱晒打卡嘅火焰芝士蛋糕,仲有期間限定嘅Häagen-Dazs雪條,大家可以加上Oreo碎或杏仁碎,加添口感。

〈好食〉酒店世一自助早午餐 高質海港城太子酒店SAVVY

SAVVY週末自助早午餐:甜品
SAVVY嘅甜品選擇好多,分別有巧克力布朗尼、士多啤梨覆盆子慕絲蛋糕、藍莓芝士餅、抹茶白朱古力蛋糕、Oreo芝士蛋糕、雲呢拿酥皮蛋糕、熱帶水果芝士蛋糕同朱古力榛子蛋糕等等,件件精美,可以自行製作一個high tea set啦!

〈好食〉酒店世一自助早午餐 高質海港城太子酒店SAVVY