余文樂Love you bra遭嘲　IKEA乘機賣”Bra”袋

藝人余文樂最近喺限時動態上載同台星吳建豪合照，寫上“Love you bra”疑似串錯字，火速被網民恥笑。一向跟得貼嘅宜家家居（IKEA）又再出招抽水，乘機賣”Bra”袋成功吸3萬讚好。

余文樂深夜上載字典解釋，指bra亦可以解作好友之意，並喺圖片下面寫上 ”Thanks!!!”，但網友當然唔收貨繼續恥笑。

IKEA 亦都食住個勢，立即出帖賣環保袋，因為咁啱個牌子為Bra開頭，更寫話「無呀無呀⋯佢真係無串錯字！我嘅英文乳名真係叫Bra，佢真係Love我㗎！！」抽水抽到應一應。

IKEA呢個Post大收好評，吸逾3.5萬讚好，有網友更笑稱「睇IKEA專頁知世事」。見到個Post咁受歡迎，小編再喺留言回應 ”Thanks!!!” 二次抽水，跟得咁貼難怪網友一致大讚。