一直以嚟都好鍾意食沙嗲牛肉麵，但自從加入咗Facebook嘅香港沙嗲牛肉麵關注組之後，對於沙嗲牛肉麵嘅要求更加高。喺關注組入面，有唔少高質沙嗲牛肉麵嘅推介，其中呢間位於上環嘅郁健快餐就大獲好評，今日我就自己一支公嚟到朝聖啦！
沙嗲牛肉煎蛋公仔麵
趕得切喺早餐時段嚟食，價錢就更加抵啦！首先重點嘅沙嗲牛肉，真係一試難忘，同屋企附近嘅茶餐廳相比完全係第二個層次，沙嗲味濃郁，牛肉完全索晒沙嗲汁嘅香味，好入味呀！至於煎蛋就係最愛嘅燶邊，但蛋黃就相對較熟，如果有埋蛋汁就更加圓滿！
超好味沙嗲牛肉麵 上環人氣郁健快餐
