港島壁畫打卡 西營盤藝里坊

14

近期多咗時間留喺香港,發現香港都有唔少親子好去處或週末好去處,其中就有唔少人鍾意去壁畫村拍拖、打卡同影相。其中一個比較出名嘅壁畫村位於錦田,但原來市區都有壁畫村㗎!藝里坊 ArtLane 位於西營盤,喺西營盤港鐵站B3出口一出就係,咁你男朋友就無原因打機都唔同你出街啦,就算放工食完飯都可以嚟行吓㗎!

〈好遊〉港島壁畫打卡 西營盤藝里坊
〈好遊〉港島壁畫打卡 西營盤藝里坊
〈好遊〉港島壁畫打卡 西營盤藝里坊

藝里坊
藝里坊位於香港嘅西營盤,覆蓋忠正街、奇靈里同埋石棧里。呢個項目就搵咗9位本地同國際嘅藝術家,透過壁畫藝術融入區內大廈,並以大都會作爲壁畫主題。呢度嘅壁畫雖然無錦田咁多,只有16幅,但就非常集中,影相夠晒方便。壁畫分佈喺牆壁、樓梯同地下,千祈唔好錯過每一幅壁畫呀!

〈好遊〉港島壁畫打卡 西營盤藝里坊
〈好遊〉港島壁畫打卡 西營盤藝里坊
〈好遊〉港島壁畫打卡 西營盤藝里坊

都市森林
以繽紛色彩同立體字型畫上了「ARTLANE」字,加上白色鸚鵡同綠葉配襯,營造森林嘅味道。

〈好遊〉港島壁畫打卡 西營盤藝里坊

彩虹樓梯
彩虹樓梯係一個打卡熱點,以柔和嘅漸變色組成,好靚㗎。

〈好遊〉港島壁畫打卡 西營盤藝里坊

動物小鎮
以一個又一個嘅三角形組合構成,描繪正在演奏樂器嘅動物,體現倫敦蘇豪區嘅氣氛。

〈好遊〉港島壁畫打卡 西營盤藝里坊

音樂藝術之樂
細緻刻畫跳舞者同音樂家嘅表演形態。

〈好遊〉港島壁畫打卡 西營盤藝里坊

維也納音樂小鎮
我最鍾意就係呢幅維也納音樂小鎮,為忙碌嘅街道帶嚟輕鬆嘅氣氛。