【喰壽司】
好耐都無帶咁多位黎食壽司喇！今次好西專員咁岩唔知食咩好，一抬頭望就見到呢間壽司喰，就膽粗粗入去試下啦。
通常叫做壽司x或者鮨x嘅都只係賣壽司，而呢間餐廳仲有賣好多唔同款嘅定食。而專員覺得天口興唔想食熱野，就每人點左一個壽司定食DELUXE size($360)，佢分左做DELUXE同REGULAR兩個size，要食幾多就自己行量下。
總共十三件既壽司，一上枱吸引專員嘅目光唔係壽司，而係隻碟，你可能會問點解，但係有時d野係冇原因，你到時就會明架喇！
總體黎講魚既新鮮程度尚可以接受，味道黎講食落無雪味，而且帶d油香，不過拖羅帶筋，中規中矩咁。個份量就係一般男人食完岩岩有滿足既感覺，如果女仔會可能覺得太多。不過可惜蝦同帶子壽司有略嫌有少少失色，鮮味欠奉，加上入口香及味都有點不盡人意，仲有少少腥味。呢間野值唔值一試就留番各位好西人自己決定喇！
在指數：
好味道：3.5/5
好樣度：3.5/5
抵食度：3/5
仙氣度：3.5/5
