【Noodies』 noodles】新派車仔麵舖noodies

7

【Noodies』 noodles】
專員成日食拉麵,都食到有d悶。最近就試左一間位於西營盤嘅新派車仔麵舖noodies。由於而家仲係暑假,西營盤區既餐廳中午去都唔係好洗等,即刻有位。

入到去發現點餐紙上面有好多料揀,仲有today’s special。最正就係有d都未聽過既野。專員度左好耐,終於決定左要個冬陰功手撕雞黑薯糕帆立貝麻吉燒得意米粉加底。正如一般車仔麵舖一樣,個湯底都係比較頹,食唔到冬陰功既酸同鮮蝦味。不過除此之外,d料又高質,份量亦十足,好似黑薯糕竟然比左五舊。而個得意米粉就比普通米粉粗同埋攣,有d似即食麵,都幾得意。可惜嘅係去到當日並未有today’s special嘅飲品。

其實西營盤係開左地鐵站之後,開左好多新餐廳,好西林立。大家除左留意我香港食好西之外,都可以自己去到西營盤發掘一下好西。

在指數:
好味道:3/5
好樣度:3/5
抵食度:4/5