【灣仔soho】
大家平時去灣仔，係咪都覺得比較舊，少d好西食呢？其實係灣仔行遠d，去到灣仔金鐘中間，就會去到星街。個度會有好多唔同種類嘅好西食，而且人流唔多，非常舒服。今次好西專員就試左其中一間，maison es。
專員先叫左我地最愛嘅生蠔，不過就冇乜特別，唔夠鮮甜。之後就到前菜，個個都好似好吸引。專員揀左好耐，最後就要左個ginger tuna tartare with sweet corn mousse。成個配搭好清新，而且仲有d loutus chips，搞到好開胃。
之後就到主菜喇，先叫左個roasted pork shoulder。食落其實即係有d似食拉麵個d肩肉，不過燒得更好，肉質更嫩，配上蘋果醬，非常滋味，不過份量就比較少。另外專員叫左個xo醬鮑魚天使麵。一食落去就諗起壽桃牌鮑魚麵，咁即係其實都ok嘅，係感覺好中式囉。
去到甜品，見到個餐牌，真係揀唔落手，唔太吸引，所以最後都冇叫到。
好西指數：
好味道：4/5
好樣度：4/5
抵食度：3.5/5
仙氣度：4/5
