【好西急救站】去high tea

6

【好西急救站】
A八婆:「唉呀,我bb成日都唔肯同我high tea,話d野食貴夾唔飽呀!」
B八婆:「唔係就話d野食唔好味,以後都唔肯去。」
相信各位絲打都經常因為咁,男朋友耍手又擰頭情況下,只好同返自己班friend去high tea。而今次專員就搵到間全要$48或$68一位就可以搞掂嘅下午茶—莆田。
可能你地會話唔L係下,中菜黎架啵,又冇三層架算咩high tea啊?雖然佢冇個架,但都有三個格啊!而已影起上黎都有陣日系味道,絕對夠班呃like。$48同$68分別在於要2個定5個點心同會有甜品送,佢一共有8種點心揀。今次專員就叫左一個$48同$68,一共有7種點心,而當中個冰鎮苦瓜賣相更加成朵花咁。
每款點心唔係預先做好哂,放到凍哂咁又硬又唔好味。專員最中意食「蝦苗拌頭水紫菜」,食落酸酸地好開胃嘅點心。第二樣就係豬蹄凍,平時專員唔太中意食豬蹄覺得又韌個味又麻麻,但呢個就食法好重味又解決左好韌嘅口感。
去到呢到你可能會話「邊夠飽啊」,放心仲有四選一嘅主食你簡,專員好中意個菜包飯,食落有少少似荷葉飯,有少少魚香,專員都唔知點解。
最後,不得不提個茶好香,比起香片、普洱茶更加適合大人小朋友,濃得黎又清清地又唔會苦,專員都飲左成兩大壺。

好西指數:
好味道:4/5
好樣度:4/5
抵食度:4.5/5
仙氣度:4.5/5