【香港酒店Staycation推介】 Park Nature露營車：放假除左去酒店staycation之外，趁着天氣開始轉涼，有不少人可能會考慮去行山或露營。除了扎營外，近年露營車亦是一個不錯的選擇，適合一班既想遠離繁囂，但又怕熱怕蚊蟲的朋友。Park Nature露營車位於新界元朗逢吉鄉，附近一帶都是山區及少量民居，勝在環境清幽，讓你可暫時放下煩惱，好好享受一下大自然的寧靜。
由於位置較偏僻，需自駕或坐的士到門口，營地設有停車場可供住客免費泊車。
Park Nature露營車主要分兩款：寵物露營車及星空露營車，適合情侶﹑家庭﹑好友聚會。
今次選擇的Park Nature星空露營車共300多平方尺，可容納4至6人，車內空間十分寛敞，有2張雙人床及1張碌架床。車上設施新淨，提供風筒、熱水煲、微波爐、小雪櫃，pantry亦貼心地提供洗手液及洗潔精。天氣炎熱，來到郊外有不少人可能會擔心好熱，但意外地露營車的冷氣非常舒服，連怕熱的我都覺得好夠凍！冬天則可變頻做暖氣，完全不被天氣影響體驗！
留意防火及安全問題，車內不可煮食。可自備Gas爐或$300租借。
記得以前去渡假營/露營，大部份營地冇供應熱水沖涼，或者用儲水式熱水爐令大家排長龍，有些地方甚至沒有沖涼設備。雖然呢度一樣係儲水式熱水爐，但熱水溫度好舒服，花灑又夠水力，而且企位好闊落，簡直係郊外的皇帝級享受！
浴室有個小驚喜位：設有雨淋式花灑，就算酒店都唔係間間有！
娛樂方面，車上設有電視機及電動麻雀枱，電動麻將租金$200，就算冇帶野黎玩都絕對唔會怕悶！
Park Nature露營車內及車外亦有不少打卡位，可親親大自然。
到左傍晚有個小插曲，突然下了一場大雨，十分掃興，幸好過後職員立刻友善地幫忙刮乾淨玻璃上的雨水。雖然當天天氣未能觀星，但躺在床上枱頭就望到天空的感覺十分棒！
營地內可BBQ，可訂購營地提供的燒烤包（每位$185），或自帶燒烤食材。如自備材料，則需以$300租借爐具及清潔費。車上有餐具提供，用完需自己清潔，做個負責任的客人，鼓勵少用即棄塑膠餐具。
圖片來源：Park Nature
小提示：入營前記得自攜個人梳洗用品 ，例如：拖鞋，毛巾，牙刷，牙膏，沐浴露，洗頭液等。
