韓式燒肉天花板 元朗放題派龍殿

18

估唔到喺元朗都搵到屬於天花板級別嘅韓式燒肉放題!呢間位於元朗嘅派龍殿,超過30款嘅肉類同蔬菜選擇,仲有凍熟海鮮、刺身壽司等食物,重點推介唔少得長龍牛舌、燒生蠔同韓式牛肋骨,質素極高!全個世界都有地板,但元朗嘅韓式燒肉放題天花板,就只有派龍殿。

凍熟海鮮 + 刺身壽司
系燒緊韓燒嘅時候,大家可以食住到海鮮、刺身同壽司,包括:凍蝦、凍青口、辣味炒蜆、泡菜、辣雲耳、三文魚刺身、希靈魚刺身、三文魚壽司等!凍蝦鮮甜彈牙,刺身新鮮,系唔錯嘅頭盤。

〈好食〉韓式燒肉天花板 元朗放題派龍殿
〈好食〉韓式燒肉天花板 元朗放題派龍殿

韓燒類
派龍殿嘅韓燒選擇真系超級豐富,有超過30款嘅肉類同蔬菜選擇,包括:牛仔骨、牛冧片、牛冧粒、原味豬扒、叉燒豬扒、豬腩片、辣雞翼、原味雞翼、南乳雞翼、豬頸肉、咖喱雞柳、原味雞柳、雞腎片、雞軟骨、龍脷柳、咖喱魷魚翼、魷魚須、多春魚、雞片、陳皮魚蛋、台灣腸、廚師腸、蒜蓉扇貝、芝士腸、菠蘿片、粟米、翠玉瓜、茄子等。我哋勁力推介咖喱魷魚翼,咖喱味香濃,醃得非常入味。另外,南乳雞翼都系非常驚喜,南乳味好惹味,雞肉嫩滑。

〈好食〉韓式燒肉天花板 元朗放題派龍殿
〈好食〉韓式燒肉天花板 元朗放題派龍殿

熟食類
除咗韓燒之外,派龍殿嘅熟食非常高質,好有心思,有魚湯卜卜蜆、蒸蠔、辣子豬腸、麻辣雙豬、小龍蝦、水煮牛、炸雞、商湯雜菜粉絲、鰻魚汁茄子冬菇翠玉瓜、烤雞扒、焗牛脷。麻辣雙豬系麻辣豬紅同豬手,豬紅煮得好入味,麻椒味香濃!另外,魚湯卜卜蜆十分清甜,蜆肉厚肉大大粒,完全無沙。

〈好食〉韓式燒肉天花板 元朗放題派龍殿

鐵板燒
派龍殿仲特設鐵板燒區,有專人同你燒,每日都有唔同嘅特色鐵板燒食品,我哋嗰日有長龍牛舌、燒生蠔同韓式牛肋骨。長龍牛舌燒得啱啱好,厚切嘅口感豐富,非常滋味。

〈好食〉韓式燒肉天花板 元朗放題派龍殿