】炎炎夏日，飲啤酒真係最正嘅享受呀！近年味道創新嘅手工啤酒深受歡迎，唔少手工啤酒更加係香港製造，款款都極具特色。想盡情暢飲嘅話，絕對唔可以錯過《Better With Beer 好在有啤酒》手工啤酒節喇！《Better With Beer 好在有啤酒》手工啤酒節匯聚超過20間本地釀酒廠及經銷商，場內可以無限任飲150多款啤酒，加上Live Music、美食及遊戲，真係好似一個嘉年華會呀！
Better With Beer 好在有啤酒 – 手工啤酒篇
今年嘅《Better With Beer 好在有啤酒》手工啤酒節由 Clockenflap 幕後班底與 Craft Beer Association of Hong Kong 聯手合辦，活動將由9月15至16日於中環海濱舉行。大家只需要俾一個門票價錢就可以品嘗超過20間本地釀酒廠及經銷商嘅手工啤酒，包括：Black Kite、Breer、Brew Commons X Causeway Brewing、Brewdog、Brews Over Borders、Carbon Brews、Citibrew、Deadman、Foam Beer、Gweilo、Heroes Beer Co、H.K. Lovecraft、HIGHERTHAN、Hong Kong Beer Co、Hopless Daze、Lion Rock Brewery、Maks Beer、MiMi Bee、Moonzen Brewery、N.I.P x Mezzanine Makers、Neon Cider、Owlsome Brothers、Taboocha、Tai-Pan Beer Co、Yardley Brothers及Young Master等。
Better With Beer 好在有啤酒 – 現場音樂篇
飲啤酒又點可以無music呢？喺《Better With Beer 好在有啤酒》手工啤酒節嘅「Dai Dadi 大笪地」，由出色嘅樂隊同DJ駐場，為大家準備精彩嘅現場音樂，讓嘅氣氛推到最高漲！《Better With Beer 好在有啤酒》手工啤酒節由Crimes Against Pop於星期五揭開序幕，而摩四青年則於星期六為手工啤酒節劃上完美句號。至於其他演出單位，包括：Crimes Against Pop、South Canton Soul Train、MouseFX、Uptown Rockers、Murphy and The Lawyers、Mr Koo、Gwenji、Shumking Mansion、The Boogie Playboys、 Fountain Collective等，演出陣容非常強大。
Better With Beer 好在有啤酒 – 遊戲娛樂篇
《Better With Beer 好在有啤酒》手工啤酒節真係好似一個嘉年華會，除咗音樂之外，仲有唔少戶外遊戲呢！喺《Better With Beer 好在有啤酒》手工啤酒節嘅「The Playground」，大家可以邊飲邊玩啤酒箱搭橋大挑戰、超巨型飛行棋、跳飛機、踢毽、超級層層疊、布袋球、康樂棋、波子棋等桌上遊戲之外，亦可於手工啤酒節嘅「Dai Pai Dong 大排檔」參加Drag Bingo、對嘴歌唱表演賽、空氣結他比賽、問答挑戰等豐富娛樂節目，Levi’s®更會贊助會場的遊戲和比賽的部分獎品呢！
