功夫茶故鄉濃 朗屏鋒味廚房

35

去茶樓食一盅兩件,係唔少香港人嘅日常。普洱、鐵觀音、壽眉、水仙係茶樓常見嘅茶,勢估唔到喺朗屏,隱藏於工廠區,看似毫不起眼嘅鋒味廚房,食點心竟然配搭非常少見嘅功夫茶。兩個茶壺,一個放有茶葉,另一個係裝住已浸泡嘅茶,令茶嘅味道相對保存一致嘅味道,唔會過濃或過淡啦!

蜜汁叉燒包
飲茶點可以唔叫番籠包食吓呢!呢度嘅叉燒包一如傳統,外皮軟熟,熱辣辣嘅外皮內就係香噴噴嘅蜜汁叉燒,而且餡料份量十足,夠晒足料,非常滋味!

〈好食〉功夫茶故鄉濃 朗屏鋒味廚房

自家醬王鳳爪
呢度嘅鳳爪用上自家醬王,味道極具層次。鳳爪入晒味,非常驚喜。

〈好食〉功夫茶故鄉濃 朗屏鋒味廚房

米鋼脆蝦腸
腸粉外皮用上紅糙米製成,紅噹噹嘅外表非常吸引食慾。軟糯嘅外表加上脆口炸蝦,口感非常特別!加上酸甜醬同喼汁嘅加持,令米鋼脆蝦腸層次更加豐富。

〈好食〉功夫茶故鄉濃 朗屏鋒味廚房