屯門嘅朋友介紹呢間位於蝴蝶邨附近嘅老廚房，餐廳係區內新開嘅小店，除咗主打湘菜同川菜嘅辣味之外，原來仲有一份人情味。我哋一坐低侍應就奉上一杯茶，而呢一杯茶絕對唔簡單，係店家親自調配嘅杞子菊花茶，所以茶香清甜，仲咗解喝之外，聽店員講仲可以解辣添呀！
酸辣雞腎
店家將雞腎切成細細粒，所以入口後雞腎唔會變得靭口，非常細心。而且用上唔同嘅辣椒烹調，令到辣味都有唔同層次，非常送飯或佐酒！但如果唔算好食得辣嘅朋友，就千其唔好嗌太辣啦！
涼拌珊瑚草
餐廳因為新開，所以大廚不斷研究緊新菜式，而我哋就有福喇！店家今日請在場食客食呢個涼拌珊瑚草，可以試到呢個Hidden Menu，真係好驚喜！珊瑚草清脆爽口加上青瓜木耳，充滿口感，令人耳目一新！店家亦會細心聆聽大家嘅意見，精益求精，值得支持。
金湯酸菜魚米線
呢度嘅湯底顏色非常特別，呈金黃色。一問之下先知原來湯底係用咗新鮮雞熬製而成，面層有一陣薄薄嘅雞油，湯頭十分惹味。酸菜分量十足而且爽脆入味，而魚肉用上鱸魚片，非常嫩滑，絕對係小編嘅私心推介。
湛江雞飯
用上走地雞製成嘅湛江雞飯，雞肉嘅肉質相當結實，肉味濃郁。至於雞件鋪上滿滿嘅蒜蓉，蒜香味十足夠晒惹味。
