心思思嘆宵夜 荃灣鋿晶館

55

做完成日嘢,就梗係想歎。但港式美食,一向都係快、快、快!如果放工想慢活嘆吓,唔知會唔會諗起一盅兩件呢?嚟到位於荃灣嘅鋿晶館飲夜茶,餐廳師傅曾經喺幾間米芝蓮酒店同大型連鎖酒樓工作,所以對於食物出品總有堅持,最大賣點係點心即點即做,有別於工廠整好再到餐廳翻蒸。

 

老爺鮮蝦腐皮卷
外皮一咬落去就有清脆嘅「咔嚓」聲,鬆脆爽口加上新鮮又足料嘅餡料,果然真材實料。

〈好食〉心思思嘆宵夜 荃灣鋿晶館

脆炸北海道牛奶
炸牛奶呢個懷舊炸物點心絕對係考功夫之作!炸牛奶嘅外皮爽脆而唔會硬巴巴,火侯控制得相當好,而牛奶用上北海道牛奶,入口嘅感覺更幼滑,令口腔充滿牛奶香濃味。

〈好食〉心思思嘆宵夜 荃灣鋿晶館

馳名南翔小籠包
小籠包皮薄餡靚就係基本,最精粹嘅係裡面嘅湯汁。一咬開小籠包,源源不絕嘅湯汁就已經留晒出嚟。混合埋半肥瘦嘅豬肉餡,呢個小籠包真係令人食指大動啊!

〈好食〉心思思嘆宵夜 荃灣鋿晶館

月半彎晶瑩鮮蝦餃
飲茶又點會唔叫蝦餃,外皮厚薄適中,內層同腐皮卷一樣用上鮮蝦,彈牙好味呀!

〈好食〉心思思嘆宵夜 荃灣鋿晶館

黑松露北菇燒賣
師傅亦曾經喺東京嘅富麗華工作,所以敢於嘗試新菜式。呢個燒賣就用上黑松露配上傳統嘅北菇燒賣,多了一份黑松露嘅香味,夠晒驚喜。

〈好食〉心思思嘆宵夜 荃灣鋿晶館