柴灣客家遺蹟 羅屋民俗館

83

香港有四大民系,分別係廣府人、客家人、鶴佬人同蜑家人,其中識講客家話嘅香港人更超過25萬人口添。隨住城市嘅發展,香港嘅客家村落大部份集中喺新界,而喺柴灣原來仲有碩果僅存嘅傳統客家民居,我哋一於去到活化後嘅羅屋民俗館,了解本土文化,順便打吓卡啦!

羅屋民俗館
原戶主姓羅,所以活化成為民俗館之後,命名為羅屋。唔講唔知,原來呢間客家村屋已經有二百幾年歷史,喺18世紀初建成,並獲發乾隆三十二年紅印契。喺1976年,市政局決定將羅屋修復並活化成民俗館,至1989年11月10日更成為香港法定古蹟。

〈好遊〉柴灣客家遺蹟 羅屋民俗館
〈好遊〉柴灣客家遺蹟 羅屋民俗館
〈好遊〉柴灣客家遺蹟 羅屋民俗館
〈好遊〉柴灣客家遺蹟 羅屋民俗館
〈好遊〉柴灣客家遺蹟 羅屋民俗館

羅屋係典型三間兩廊式嘅客家民居,建築布局對稱。對正大門嘅係正廳,中間設有天井,而天井兩旁分別係房間、廚房同雜物房。屋外嘅空地俗稱「禾坪」,係村民曬穀、晾衫同聚會嘅地方。屋內保存咗傢俬、農具、日用品等,等大家可以了解客家民居嘅原面貌。

〈好遊〉柴灣客家遺蹟 羅屋民俗館