M佬上次偷食咗我包黑松露薯片，我就送佢去到粉嶺嘅前裁判法院接受審判。 估唔到佢一而再，再而三犯下偷食罪行， 今次佢就食咗我包法國芝士撈麵，簡直罪無可恕！所以今次自駕遊去到舊大埔警署自首，最終我判佢幫我喺呢個充滿歷史性嘅地方瘋狂影相打卡啦！
舊大埔警署
舊大埔警署位處於大埔一個小山丘之上，呢到曾經係當時英國接管新界時舉行升旗典禮嘅地點，故被視為新界嘅中心，所以喺1899年建成新界首間永久警署，直至1987年新嘅警署啟用而荒廢。後獲古物諮詢委員會評為一級歷史建築，並於2008年被活化成為綠匯學苑。
綠匯學苑
保育舊大埔警署嘅建築，例如警署嘅走廊、中式瓦片屋頂，仲可以參觀昔日嘅報案室、槍房、羈留室同警察辦公室，透過展板同口述歷史了解呢座建築物。
