平衡時空之打卡秘境 夜遊中環己連拿利天橋

27

通常同A姐去影相打卡都會係朝早嘅時候,但今次我哋就選擇夜晚,嚟到近期熱門,位於中環嘅己連拿利天橋。呢度錯綜複雜嘅天橋,加上旁邊嘅樹木,形成一條好似喺森林裏面嘅空中隧道,可以影到荒涼、暗黑嘅打卡靚相。

 

前往方法
經由大館旁邊斜路往上行,經高主教書院及香港聖母無原罪主教座堂旁嘅小山路行5分鐘,即到達己連拿利天橋

提提你
作為旅客嘅我哋記住要保持寧靜,唔好影響附近居民嘅生活呀

〈好遊〉平衡時空之打卡秘境 夜遊中環己連拿利天橋

香港聖母無原罪主教座堂
第一代聖堂於1843年落成,但不幸因1859年嘅一場火災而焚燬。至1860年原地重建,並於1860年拆卸第二代聖堂。依家見到嘅係1883年動工,由位於倫敦嘅柯利和漢森公司設計嘅第三代聖堂。教堂以哥特式為設計風格,主要以花崗岩、磚同石頭建成,雖然經歷過第二次世界大戰嘅日佔時代,但好彩建築物無受到太大破壞。直至1946年,香港升格為教區,聖堂更變成主教座堂。依家評為一級歷史建築。

〈好遊〉平衡時空之打卡秘境 夜遊中環己連拿利天橋

己連拿利天橋
天橋主要為附近嘅居民所用,但因為錯綜複雜嘅行車路、行車天橋、行人天橋同斜路,加上旁邊嘅樹木,而形成一個奇特嘅畫面,而成為大家打卡嘅熱點。

〈好遊〉平衡時空之打卡秘境 夜遊中環己連拿利天橋
〈好遊〉平衡時空之打卡秘境 夜遊中環己連拿利天橋
〈好遊〉平衡時空之打卡秘境 夜遊中環己連拿利天橋
〈好遊〉平衡時空之打卡秘境 夜遊中環己連拿利天橋

好多人都話呢度嘅天橋形成嘅線條結構,令人眼花瞭亂,形成錯視嘅感覺。當夜闌人靜嘅時候,更顯幽靜詭秘,充滿探險感,啱晒大家影暗黑同科幻感嘅相打卡啦!

〈好遊〉平衡時空之打卡秘境 夜遊中環己連拿利天橋