週末坪洲打卡好去處 食買玩最強策劃

42

得長洲、南丫島同大嶼山呢?喺咁多個離島之中,曾為工業小島嘅坪洲經常俾人遺忘,所以相對寧靜,係一個適合大家慢活享受假期嘅小島。其實坪洲亦有唔少打卡景點、行山郊遊同人氣食店,真係玩大半日都冇問題。今日我就同A姐plan好行程,由坪洲玩到去愉景灣,嚟個周末打卡旅行團!

〈好遊〉週末坪洲打卡好去處 食買玩最強策劃

前往方法
中環港外線6號碼頭搭渡海小輪,船程大約30-40分鐘(船期表

〈好遊〉週末坪洲打卡好去處 食買玩最強策劃

提提你
1. 坪洲係一個寧靜嘅小島,遊覽時保持聲浪,唔好騷擾居民
2. 大家記住保持環境清潔,自己垃圾自己帶走,絕對唔可以破壞大自然環境
3. 洗手間主要集中喺碼頭、市政大樓同商店街一帶
4. 坪洲嘅行山路線難度唔高,適合行山初哥同一家大細,但都要量力以為

〈好遊〉週末坪洲打卡好去處 食買玩最強策劃

第一站:史諾比石
落咗船之後,我哋先喺超級市場買定啲補給品,再往島嘅右手邊坪愉徑出發,坪愉徑嘅路線難度唔高,沿途可以眺望愉景灣同迪士尼樂園,當然,我哋嘅目標係好似Snoopy嘅史諾比石啦!

〈好遊〉週末坪洲打卡好去處 食買玩最強策劃

第二站:東灣沙灘
睇完史諾比石,我哋不走回頭路,繼續往山嘅方向行,轉入坪洲家樂徑,經過大龍村,就會到達坪洲唯一嘅沙灘:東灣沙灘。夏天嘅時候,有唔少遊客玩水上活動、曬太陽同游水。不過,要留意海灘並唔係康文署規管範圍,所以無救生員當值,大家記住要注意安全。

〈好遊〉週末坪洲打卡好去處 食買玩最強策劃
〈好遊〉週末坪洲打卡好去處 食買玩最強策劃

第三站:龍母廟
坪洲雖然只有0.99平方公里,但作為一個離島當然有唔少廟宇,其中最大嘅就係龍母廟。龍母廟金碧輝煌,並設「龍恩浩蕩千秋耀,母德巍峨萬載昭」嘅金字牌匾,好有氣勢。廟內又設龍床,聽講摸過龍床就會好運,而用廟前嘅龍水洗手又可添運勢。所以每年農曆5月初8嘅龍母誕,就有唔少善信嚟祈福。

〈好遊〉週末坪洲打卡好去處 食買玩最強策劃
〈好遊〉週末坪洲打卡好去處 食買玩最強策劃

第四站:祺森冰室
行咗咁耐,午餐就嚟到全坪洲最強人氣嘅排隊食店:祺森冰室。冰室嘅招牌菜係蝦多士,聽講蝦多士用薯蓉、洋蔥、蝦肉同豬肉做成,炸到金黃脆卜卜。不過,我哋今日嚟到,蝦多士唔係即叫即炸,反而係預先炸好,雖然仍算香脆,但就唔夠熱。另外,我哋一向認識嘅蝦多士都係加入蝦膠製成,但呢到嘅蝦多士只有半隻蝦,所以食嘅時候,有啲失望,亦欠缺口感。

〈好遊〉週末坪洲打卡好去處 食買玩最強策劃

第五站:秘密花園
前身為三級文化古蹟嘅牛皮廠,由藝術家收集島上居民廢物,再加入藝術元素,活化成一個以藝術為題嘅秘密花園,真係好有台灣文創園嘅感覺。當然花園內有唔少打卡位,好輕鬆就影到唔少A姐滿意嘅呃like相啦!

〈好遊〉週末坪洲打卡好去處 食買玩最強策劃

第六站:坪洲戲院
曾經香港電影業非常蓬勃,就連坪洲都設有戲院,坪洲戲院喺1978年開始為島上居民提供娛樂,至1987年結業,並荒廢至今。坪洲戲院雖然並未獲歷史評級,而戲院內亦有唔少鬼故事,但就成為咗廢墟攝影者嘅熱點。

〈好遊〉週末坪洲打卡好去處 食買玩最強策劃

第七站:手指山
坪洲最高點就係高95米嘅手指山,行上手指山嘅前半路段主要係石屎路,臨登頂前有大約300級樓梯,整體唔算難行。登頂後可以喺涼亭休息,望住無敵海景,遠眺數碼港、青馬大橋、迪士尼樂園及愉景灣等嘅景色。

〈好遊〉週末坪洲打卡好去處 食買玩最強策劃

第八站:A NOY 麵包舖
行完山,又點少得買啲嘢食醫吓肚呢?呢度有唔少港式麵包選擇,但最出名嘅就係南乳芝麻餅。南乳芝麻餅分為黑白芝麻同白芝麻兩款選擇。芝麻餅成塊面咁大,上面鋪滿大量芝麻,好足料!咬落鬆脆香口,加上淡淡嘅南乳味,確實滿足。我哋就覺得黑白芝麻嘅芝麻味較突出!

〈好遊〉週末坪洲打卡好去處 食買玩最強策劃

第九站:大利島
如果撞啱日落時間,可以嚟到連接坪洲同大利島嘅天橋。大利島主要為坪洲處理廢物轉運同污水處理,但就吸引唔少居民嚟呢度跑步、釣魚同踩單車,而遊客最鍾意嚟到帶呢到就係欣賞日落。

〈好遊〉週末坪洲打卡好去處 食買玩最強策劃

第十站:金花廟
離開坪洲前,可以嚟到金花廟參拜。相傳金花為唐代武將之女,喺劫富濟貧期間葬身火海,因而獲奉為聖母,保佑眾生。傳聞金花廟對求子、姻緣、自身等事非常靈驗。金花廟嘅面積雖然唔大,但廟宇有古榕樹、八卦形風水古井,值得一睇。

〈好遊〉週末坪洲打卡好去處 食買玩最強策劃

玩完坪洲,當然可以坐渡海小輪返去中環啦,但如果時間許可,不妨嚟個跳島遊,喺坪洲嘅公眾碼頭,乘搭街渡玩埋愉景灣同參觀聖母神樂院(船期表)。

〈好遊〉週末坪洲打卡好去處 食買玩最強策劃