嚟緊除咗聖誕，仲有新年、農曆新年同情人節，想搵間有情調嘅餐廳，唔知西班牙菜又啱唔啱呢？所以今年嘅聖誕大餐，我哋唔食火雞，嚟到銅鑼灣嘅SABROSA食西班牙大餐。餐廳除咗有情調，仲會播放西班牙歌，非常有氣氛架！
頭盤
Order完之後，店員就會送上麵包頭盤，麵包軟熟，食嘅時候可以配上橄欖油同黑醋汁，味道就大大提升。
西班牙凍湯
凍湯一向唔係我哋嘅最愛，但估唔到SABROSA嘅凍湯會令我哋改觀！呢個西班牙凍湯係紅菜頭加上乳酪，食之前要先攪勻，味道酸酸哋，無草青味，質感厚實，非常醒胃。
辣味番茄醬拌馬鈴薯
馬鈴薯先煎香表層，所以食嘅時候非常香口，而馬鈴薯內仍然非常軟熟，薯味香濃。但重點當然係面頭秘製嘅辣味番茄醬，又酸又辣，味道好有層次，好開胃。
蒜味虎蝦
啲虎蝦大大隻，仲有成6隻添！橄欖油嘅油香十足，而且蒜味香濃，啲蝦勁入味，唔錯！
自家製煙燻三文魚配酸麵包
我嬲呀，點解啲麵包咁少，但三文魚份量咁多架！三文魚嘅份量真係十足！上枱時，店員會喺你面前揭開個蓋，形成煙燻嘅打卡效果。
