睇波嘆火鍋最興奮 長沙灣御尚軒

56

四年一度嘅世界盃終於開幕喇,無論你支持邊一隊,或者想睇邊個靚仔球星,最正就梗係食住雞煲打邊爐,成班朋友烚吓烚吓,邊食邊講波經邊睇波啦!今次我哋嚟到長沙灣嘅御尚軒,餐廳一大賣點係,清遠雞每日新鮮入貨,夠晒有保證。但話時話,咩叫越位先?

栗子雞煲(半隻)
平時食雞煲多數都係食麻辣雞煲,但因為成日捱夜睇波,怕熱氣嘅我哋就嗌咗栗子雞煲。雞煲用咗好多配料去調味,包括蒜頭、姜片、冬菇、洋蔥、栗子等等。栗子益氣補腎,綿密甘甜;雞件入晒味,肉質鮮嫩,味道豐富濃郁,充滿層次。所以如果怕食辣嘅,都推介你叫栗子雞煲。

〈好食〉睇波嘆火鍋最興奮 長沙灣御尚軒

手切新鮮肥牛(中)
牛肉新鮮紅潤,而且厚身,十分抵食。只要輕輕淥一淥,保持鮮嫩嘅肉質,已經非常好味。

〈好食〉睇波嘆火鍋最興奮 長沙灣御尚軒

特級肥鵝腸
呢間舖頭出名材料新鮮,果然名不虛傳。每一款火鍋配料都好新鮮,鵝腸亦都唔例外。鵝腸肥美新鮮,爽口彈牙,真係食唔停口。

〈好食〉睇波嘆火鍋最興奮 長沙灣御尚軒

白鱔片
白鱔片亦相當新鮮,每一塊都切得大片肉厚,入口又不失彈性。上枱嘅時候塊塊都晶凝通透,見到都流晒口水。

〈好食〉睇波嘆火鍋最興奮 長沙灣御尚軒

野生竹笙
食雞煲或者打邊爐一定會叫竹笙,放係甘甜嘅栗子煲當中,並且圓滿地索曬肉汁嘅精華,加上爽滑嘅口感,真係錦上添花。

雜菇拼盤
雜菇拼盤分別有三款菇菌,包括雞髀菇、本菇以及冬菇,份量非常多,真係好抵食呀!

〈好食〉睇波嘆火鍋最興奮 長沙灣御尚軒