全港最靚日落 流浮山下白泥

27

下白泥沿岸都係香港少見嘅泥灘,呢度除咗出產流浮山生蠔之外,更有天空之鏡嘅美譽。除咗以上嘅賣點,大家認識下白泥大概都係因為呢度嘅日落!下白泥嘅日落係全港數一數二,所以有唔少人專登入嚟影相打卡,如果運氣好,仲可以睇到彩霞架!

前往方法
專線小巴:由元朗泰豐街坐33號小巴前往,但值得留意係小巴以村民優先上車
的士:由天水圍西鐵站搭的士前往
自駕遊:雖然方便,但唔太建議,因為泊位唔多,而且村路單線雙程,路況狹窄

〈好遊〉全港最靚日落 流浮山下白泥

提提你
1. 旁邊就係附近居民居住嘅地方,所以大家遊玩參觀嘅時候,記住保持寧靜
2. 大家記住保持環境清潔,自己垃圾自己帶走
3. 下白泥蚊蟲眾多,應做足防蚊措施
4. 自備拖鞋、水鞋及清潔用品

〈好遊〉全港最靚日落 流浮山下白泥

潮漲潮退
雖然嚟下白泥主要係睇日落,但如果就啱時間,如果睇到剛開始嘅潮漲,仲有機會透過淺水嘅倒影,見到天空之鏡。

〈好遊〉全港最靚日落 流浮山下白泥

泥灘
下白泥係一片泥灘,如果大家細心啲睇,可能會見到招潮蟹、彈塗魚等紅樹林生物。如果好運,仲有機會見到4.75億年前已經生存嘅馬蹄蟹添。

〈好遊〉全港最靚日落 流浮山下白泥

最美日落
下白泥除咗可以睇到天空之鏡,更可以睇到潮汐漲退,但最吸引嘅當然係日落美景!下白泥嘅日落更被稱為全港最靚嘅日落,日落瞬間嘅Magic Moment絕對係要set好腳架,亦要用心好好享受呢個奇妙時刻。

〈好遊〉全港最靚日落 流浮山下白泥
〈好遊〉全港最靚日落 流浮山下白泥