市區紅磚殖民秘景 尖沙咀訊號山花園

5

位於尖沙咀嘅公園,我估你諗都唔使諗就會答:九龍公園。如果叫你諗兩諗再答,可能會答:尖東市政局百周年紀念花園。但今日要介紹嘅係經常被遺忘嘅訊號山花園!訊號山花園除咗適合大家休憩之外,公園內仲有兩個充滿殖民時期嘅打卡熱點㗎!

訊號山花園
訊號山花園嘅入口位於K11同棉登徑旁邊,係我哋經常會行過,但又總會被忽略嘅一個地方。而話明係一座山,又點少得一條大斜路呢!由公園入口上去訊號塔,大概行4分鐘斜路就到訊號山山頂。

〈好遊〉市區紅磚殖民秘景 尖沙咀訊號山花園

辦事處
前往訊號塔途中,就會經過呢個充滿歐陸風格嘅辦事處,係大家第一個嘅打卡熱點。

〈好遊〉市區紅磚殖民秘景 尖沙咀訊號山花園
〈好遊〉市區紅磚殖民秘景 尖沙咀訊號山花園

訊號塔
1907年建成嘅訊號塔原本樓高兩層,高12.8米。直至1927年,為咗讓船隻更清楚睇到訊號塔,所以加建至三層,高18.9米。訊號塔嘅建築風格帶有古典巴洛克色彩同愛德華式裝飾特色,以紅磚配上淺色石組成。據說當年訊號塔就負責向維多利亞港船隻報時同掛起颱風風球訊號。但隨住尖沙咀填海,加上船隻多數運用電報通訊,喺1933年6月30日天文台就停用訊號塔。後嚟就發展同活化成為訊號山花園,而訊號塔就喺2015年10月23日被列為法定古蹟。

〈好遊〉市區紅磚殖民秘景 尖沙咀訊號山花園
〈好遊〉市區紅磚殖民秘景 尖沙咀訊號山花園
〈好遊〉市區紅磚殖民秘景 尖沙咀訊號山花園