倒流時光跟你去分享 高質火鍋銅鑼灣香江花月

10

香江花月係一間我哋好鍾意嘅火鍋店,除咗選料新鮮高質之外,重點係三間分店各有主題,甚至有火鍋店TeamLab之稱!嚟到銅鑼灣嘅香江花月,餐廳以港產電影為主題,除咗擺設之外,餐廳仲設計咗一間充滿話題性嘅房間,食飽飽之後,記住去影張倒流時光嘅靚相呀!

〈好食〉倒流時光跟你去分享 高質火鍋銅鑼灣香江花月

打卡主題房間
大部份餐廳都會用盡每一寸空間,擺最多嘅餐枱,但每間香江花月都有一間主題佈景嘅打卡房,而銅鑼灣香江花月分店,就以港產電影為主題,主題房間以舞台射燈同升降球燈,絕對可以擺唔同甫士瘋狂打卡。另外,門口嘅舞台售票處、復古相機、中古電單車等擺設,真係除咗食物本身之外,仲可以食埋個環境呀!

〈好食〉倒流時光跟你去分享 高質火鍋銅鑼灣香江花月
〈好食〉倒流時光跟你去分享 高質火鍋銅鑼灣香江花月

秘製花雕豬肚鍋
餐廳提供多款湯底選擇,我哋就揀咗秘製花雕豬肚鍋,打邊爐之前,當然要飲啖湯先啦!打邊爐最怕湯底一開始就好鹹,因為只會越食越鹹。好彩香江花月嘅湯底夠晒火候,帶有淡淡嘅酒香味,非常清香又有層次。鍋底入面已經有枝竹、酸菜同豬肚,枝竹索晒湯底精華,至於豬肚軟腍好入味!

〈好食〉倒流時光跟你去分享 高質火鍋銅鑼灣香江花月

香江拼
鍾意食牛嘅我哋,就揀咗香江拼,呢個拼盤有齊安格斯肥牛、手切肥牛、牛柳粒、牛白肉、牛心頂、黑柏葉和牛舌,而香江拼更以特製嘅圓形木碟,圍住鍋底,擺盤精美,食之前絕對要影相打卡!安格斯肥牛肉油花均勻,口感嫩滑牛味濃郁;牛柏葉新鮮爽口,索晒湯嘅精華就最正;牛舌嘅肉味就最濃,肉質軟腍;至於牛白肉嘅油香十足,接近入口即熔。

〈好食〉倒流時光跟你去分享 高質火鍋銅鑼灣香江花月
〈好食〉倒流時光跟你去分享 高質火鍋銅鑼灣香江花月
〈好食〉倒流時光跟你去分享 高質火鍋銅鑼灣香江花月
〈好食〉倒流時光跟你去分享 高質火鍋銅鑼灣香江花月

七色丸
七色丸包括手工芝士三寶丸、青咖喱墨魚丸、南乳墨魚丸等七款新鮮手打丸類,每款都好有心思,而且味道獨特。我就最鍾意鹹蛋黃墨魚丸同青咖喱墨魚丸,鹹蛋同青咖喱嘅味道唔會太重手而蓋過墨魚嘅鮮味,比例控制得啱啱好,粒粒都爽口彈牙,食嘅時候仲會爆汁添。

〈好食〉倒流時光跟你去分享 高質火鍋銅鑼灣香江花月

桃花緣、香芳幻
餐廳嘅飲品由專業調酒師自行設計,提供雞尾酒同無酒精嘅特飲。鍾意甜啲,中和一下打邊爐味道,就推介桃花緣,桃花緣上面有個大泡泡,真係啱晒影相打卡,而味道方面除咗蜜桃味之外,飲品中加上啫喱,增添口感,另外仲加入梳打,非常解渴。香芳幻以紅桑莓醬做底,加入乳酪,味道酸酸甜甜,夠晒creamy,非常醒胃。

〈好食〉倒流時光跟你去分享 高質火鍋銅鑼灣香江花月