誠意有心製作 牛頭角金飯館

8

身邊總有一個人係飯桶,每一餐都要有啲飯落肚先得。唔好以為M佬係飯桶呀,真實嘅飯桶係A姐呀!今日接咗佢收工之後,諗住喺附近行吓,買啲餸再番屋企煮飯仔,點知我哋就經過呢期新開嘅金飯館,餐廳光猛乾淨,加上店員推介佢哋嘅出品,我哋就入去試試,等A姐唔駛番到屋企仲要辛苦煮飯啦!

我哋嘅小食揀咗3款,分別有甜、有酸、有辣,非常開胃醒胃。

蜜汁雞翼
雞翼絕對係唔少人心目中嘅小食排行榜頭三位,呢度嘅雞翼有兩款口味,而我哋就揀咗蜜汁雞翼。雞翼大大隻又厚身,面頭充滿住蜜汁,好香甜好開胃!連雞肉都入晒味,好juicy,唔錯。

〈好食〉誠意有心製作 牛頭角金飯館

酣香雲耳
雲耳酸酸哋,好爽脆!

〈好食〉誠意有心製作 牛頭角金飯館

麻辣青瓜
青瓜勁多汁,帶有麻香,唔會太辣,麻味好有層次。

〈好食〉誠意有心製作 牛頭角金飯館

招牌蝦頭油炒飯
炒飯即叫即炒,好有鑊氣!入面嘅配料勁多,有蝦、蠔、帶子等等,真係餸多過飯呀!但我最欣賞嘅係炒飯唔會太鹹,每粒飯粒都充滿蝦頭油嘅香味,可以細味蝦頭油嘅原味道。

〈好食〉誠意有心製作 牛頭角金飯館