嘆沙嗲牛肉麵 觀塘紅茶冰室

51

沙嗲牛肉麵絕對係各大茶餐廳早餐時段必有嘅選擇!好多被群祖推薦嘅沙嗲牛肉麵都係小店,連鎖店當中就只有紅茶冰室。喺觀塘返工嘅A姐已經尋訪咗多間茶餐廳,都未能尋找啱佢心水嘅沙嗲牛肉麵,最後嚟到紅茶冰室,原來呢度嘅沙嗲牛肉麵真係唔錯!

Top One丹麥酥+嫩滑炒蛋
首先,一開始其實係失望嘅,因為呢個Top One丹麥酥一啲都唔鬆脆,成舊包好似俾牛油浸過,勁油勁膻,好難食。至於炒蛋就正正常常,炒得夠金黃,都幾嫩滑。

〈好食〉嘆沙嗲牛肉麵 觀塘紅茶冰室

沙嗲牛肉麵
呢度嘅沙嗲牛肉麵確實夠驚喜,首先個湯夠熱,而個麵底夠淋身,仲好掛湯掛汁!牛肉份量夠多,而且厚切,但食落夠軟腍又無筋,仲充滿沙嗲濃香。重點就梗係佢個沙嗲汁啦,沙嗲夠濃夠杰,沙嗲味濃,又唔會太鹹,而且勁掛湯。

〈好食〉嘆沙嗲牛肉麵 觀塘紅茶冰室