香港釣蝦場推薦 又玩又食釣蝦5大推介

8

釣蝦係近期放假大熱嘅活動之一,無論係一班朋友定一家大細,都鍾意去到香港各大釣蝦場消遣,令香港釣蝦場越開越多,除咗室外釣蝦場,亦有唔少室內釣蝦場選擇,例如觀塘釣蝦場、元朗釣蝦場、荃灣釣蝦場同新蒲崗釣蝦場等等。釣蝦場之所以深受大家歡迎,係可以即釣即食,夠晒新鮮彈牙!今期我同A姐就嚴選推薦5間香港釣蝦場,讓你體驗釣蝦樂趣。

釣蝦技巧
釣魚同釣蝦都需要耐性,但好似我哋呢啲新手,就覺得釣蝦速度相對快,所以成功感相當大,十分滿足。以下有兩個小貼士,等大家更快掌握釣蝦技巧。
1:蝦餌唔需要太大粒,然後將蝦餌上鈎,遮蓋鈎尖就得。
2:每支蝦竿都有浮標,當見到浮標上下輕微郁動,只係活蝦用鉗去嘗試接觸蝦餌,記住要等到浮標完全下沉,先至係上釣最佳時間。

觀塘釣蝦場:釣魚船屋 Chougiyo Funaya Japanese Restaurant
地址:觀塘駿業街56號中海日昇中心2H舖
電話:+852 3618 8260
營業時間:星期一至日 12:00-15:00、17:30-00:00

觀塘有唔少釣蝦場選擇,而呢間釣魚船屋就夠晒吸睛!因為一入到嚟餐廳,就會見到大大艘日式釣魚船,未開始釣蝦已經可以瘋狂打卡。而除咗釣蝦,餐廳仲有兩個海水魚池,可以即場釣魚添!同樣地,所有嘅漁獲可以即釣即煮。另外,餐廳亦放有多個海產魚缸,倒如龍蝦、蟹、鮑魚、蜆,亦有多款日式料理選擇,充滿日本旅行嘅感覺。

香港釣蝦場推薦 又玩又食釣蝦5大推介

觀塘釣蝦場:Y.L House 釣蝦場
地址:觀塘鴻圖道76號聯運工業大廈2A室
電話:+852 9530 8628
營業時間:星期二至日 14:00-02:00

觀塘另一間釣蝦場就係Y.L House,呢間釣蝦場佔地大約2,800呎。除咗釣蝦之外,仲可以釣蟹同釣波士頓龍蝦!仲有專人為大家即釣即燒,仲可以選擇以鹽焗或蒸處理。餐廳亦唔建議加入太多調味料,等食客可以感受食材本身嘅鮮甜味。

香港釣蝦場推薦 又玩又食釣蝦5大推介

新蒲崗釣蝦場:蝦立方休閒娛樂釣蝦場 HA cube
地址:九龍新蒲崗大有街3號萬迪廣場8樓D及E室
電話:+852 3565 4233
營業時間:星期一、星期三至日12:00-02:00

蝦立方休閒娛樂釣蝦場位於新蒲崗大有街,每支竿最低收費為一小時HK$130、兩小時HK$240、三小時HK$330、四小時HK$400。呢個釣蝦場除咗釣蝦,喺唔同季節仲會推出期間限定嘅釣肉蟹、釣膏蟹同釣奄仔蟹等垂釣活動!所有成功上釣嘅漁獲就拎去燒烤區,即釣即燒。

香港釣蝦場推薦 又玩又食釣蝦5大推介

元朗釣蝦場:富來休閒農莊釣蝦場
地點:元朗錦田水尾村
電話:+852 6273 0538
營業時間:星期一至四 09:00 – 23:00、星期五至日 09:00 – 01:00

除咗室內釣蝦場,如果你鍾意享受大自然,就推介位於元朗嘅富來休閒農莊釣蝦場,呢度除咗釣蝦,仲可以燒烤、露營、玩水噴水池、綠田園種植、踢足球、駕駛電動車同撈金魚等等,啱晒小朋友嚟到盡情放電。

香港釣蝦場推薦 又玩又食釣蝦5大推介