抵食蛋包飯小店　小西灣日常小館

自從M佬成為駕駛人士，小西灣係其中一個我哋經常會去嘅地方！除咗因為泊車夠平夠方便，區內仲有大型日式超級市場同街市，方便我哋買餸煮飯；有時仲會去體育館打羽毛球；但我哋發現呢度有唔少餐廳小店，日常小館嘅蛋包飯就係我哋近期蒲點。

吉列炸蝦蛋包飯
蛋包飯可以揀日式咖哩汁、意式茄蓉汁或白菌忌廉汁，但蛋包飯好似配日式咖哩汁就最match。炸蝦有3隻，炸粉唔會太厚，蝦身都算大隻，夠香脆。重點當然係飯面嘅蛋啦，聽講煮嘅時候加咗少少芝士，令蛋更滑更濃。