〉全城至平自助餐 新蒲崗順豐良心飯店

8

今日要介紹嘅呢間自助餐,無魚生、無牛扒、無生蠔亦都無甜品,但佢有嘅係良心!位於新蒲崗彩虹道熟食中心嘅順豐良心飯店,一直以嚟只做午市嘅港式自助餐,每位$32就可以任食小菜、白飯同例湯,係唔少藍領及弱勢人士嘅飯堂。

〈好食〉全城至平自助餐 新蒲崗順豐良心飯店

俾咗錢之後,老闆娘就會俾一隻碟同一個碗你,食幾多就攞幾多,千祈唔好浪費。估唔到呢個價錢嘅飯又相當唔錯,夠熱又軟綿;至於今日嘅例湯係菜乾豬骨湯,湯無味精,夠足料。

〈好食〉全城至平自助餐 新蒲崗順豐良心飯店
〈好食〉全城至平自助餐 新蒲崗順豐良心飯店
〈好食〉全城至平自助餐 新蒲崗順豐良心飯店
〈好食〉全城至平自助餐 新蒲崗順豐良心飯店

雖然價格超優惠,但唔好以為呢個價錢就係齋菜為主,都有好多肉㗎!而且小菜選擇都唔少,每日嘅款式都會有所不同,是日菜單就有:生炒骨、蕃茄炒蛋、炒通菜、炆蘿蔔、咖喱薯仔豬扒、紅燒豆腐、西檸雞、炸魚、蒸魚、炒椰菜、蒸南瓜同鹹蛋蒸肉餅等等。不過,由於小菜下面並唔係熱爐,所以有唔少餸菜放得耐都會變凍,但味道絕對唔差,絕對係物超所值嘅選擇!

〈好食〉全城至平自助餐 新蒲崗順豐良心飯店