自駕遊車中泊 欣澳堤邊野餐

4

潮流興露營,有唔少人更加chill度玩汽車露營「車中泊」添,但係過夜露營就唔太啱瞓慣床嘅我哋喇!不過,為咗滿足「車中泊」打卡願望,今個weekend我哋就自駕遊,去到大嶼山欣澳石灘,嚟個車尾野餐Picnic,望住個大海野餐真係好relax呀!

提提你
1. 今次嘅目的地係陰澳灣旁邊嘅石灘,大部份行車路線係單線雙程,全長接近一公里,但避車位唔多,有需要倒車讓對頭車,唔建議駕駛技術差同P牌車手前往
2.今次嘅野餐地點其實係馬路上,泊車同野餐時候,記住唔好影響其他駕駛者為大原則
3. 流動洗手間設於欣澳港鐵站外之巴士站
4.大家記住保持環境清潔,自己垃圾自己帶走,絕對唔可以破壞大自然環境

時光隧道
喺Google Map上輸入「欣澳石灘」做目的地,由翔東路入,駕駛大約2.7公里之後,喺司機位嘅左邊路口落斜即到達「時光隧道」入口(提提你:雖然欣澳道就位於石灘旁邊,但係去唔到欣澳石灘)。

〈好遊〉自駕遊車中泊 欣澳堤邊野餐
〈好遊〉自駕遊車中泊 欣澳堤邊野餐

呢條隧道漆黑一片,只見隧道出口嘅陽光,吸引唔少廣告喺度取景。

〈好遊〉自駕遊車中泊 欣澳堤邊野餐

穿過無街燈嘅「時光隧道」之後,繼續沿小路轉右駛即可到達陰澳灣。

〈好遊〉自駕遊車中泊 欣澳堤邊野餐
〈好遊〉自駕遊車中泊 欣澳堤邊野餐
〈好遊〉自駕遊車中泊 欣澳堤邊野餐