港版富良野 大埔海濱公園

曾經喺大埔生活嘅我哋，對於大埔海濱公園絕對唔陌生。我同A姐初初拍拖嘅時候，都會去到大埔海濱公園散下步，漫步海濱。大埔海濱公園除咗係一個區內人休憩嘅公園，唔少區外嘅人都會嚟到踩單車，甚至會嚟呢度賞花，令大埔海濱公園有港版富良野之稱。

大埔海濱公園
園內分為唔同區域，好似有西式花園、兒童遊樂場、海濱長廊、模型船水池、草地滾球、門球、棕櫚樹園區等。

香港回歸紀念塔
紀念塔高32.4米，係當年英國接管新界時，英軍第一個登岸嘅地方。

港版富良野
喺紀念塔嘅旁邊，就種咗唔少花，今日我哋嚟到就有繡球花同薰衣草。