超現實北歐主題打卡 尖沙咀帝樂文娜公館

6

前排每個weekend都同A姐郊遊行山,所以嚟緊嘅long weekend同公眾假期,就玩Staycation輕鬆吓啦!嚟到位於尖沙咀嘅帝樂文娜公館,酒店大玩超現實主義設計,由踏入大堂開始,已經有唔少打卡位,夠晒驚喜,絕對顛覆你嘅視覺體驗。另外,今次嘅Staycation package包晒三餐,仲要係香港一向少見嘅北歐菜,CP值夠晒高。

酒店大堂
酒店位於尖沙咀鬧市,大概步行5分鐘,就可以去到尖沙咀/尖東港鐵站或前往彌敦道搭乘往各區嘅巴士路線。喺酒店附近就係各個大型商場、諾士佛台、人氣日式超市同二十四小時超級市場等等,想行街買嘢同補給日用品都好方便!

【香港Staycation】超現實北歐主題打卡 尖沙咀帝樂文娜公館
【香港Staycation】超現實北歐主題打卡 尖沙咀帝樂文娜公館

酒店設於金巴利道嘅玻璃門只係側門,我哋建議由旁邊嘅正門進入酒店,感受另一番風味。大門行中國風,除咗左右兩邊嘅獅子門環,仲掛上142個門鈴,好有氣勢!再細心啲睇,門鈴後面係西式嘅雕花,加上櫻桃木嘅顏色,真係匠心獨韻。當推開中式大門,視覺就會立即轉變成達利(Salvador Dali)風格,形成強烈對比。

【香港Staycation】超現實北歐主題打卡 尖沙咀帝樂文娜公館
【香港Staycation】超現實北歐主題打卡 尖沙咀帝樂文娜公館

酒店大堂地板以馬賽克鋪出圓形羅盤、時鐘等圖案,行抽象同虛幻風格;而大堂嘅梳化玩味十足,非常浮誇,係超現實嘅歐洲特色設計。雖然話係歐洲風,但其實亦隱含五行元素,糅合咗東西方同後現代色彩,所以喺酒店大堂經已驚喜處處!

【香港Staycation】超現實北歐主題打卡 尖沙咀帝樂文娜公館
【香港Staycation】超現實北歐主題打卡 尖沙咀帝樂文娜公館
【香港Staycation】超現實北歐主題打卡 尖沙咀帝樂文娜公館
【香港Staycation】超現實北歐主題打卡 尖沙咀帝樂文娜公館
【香港Staycation】超現實北歐主題打卡 尖沙咀帝樂文娜公館

另外,值得一提嘅係呢張老夫子座椅,係由老夫子作者親自設計,全港只係得兩張咋!

【香港Staycation】超現實北歐主題打卡 尖沙咀帝樂文娜公館

另外,持有房卡亦可享有Sasa及Hutong Footbath指定分店之優惠。

【香港Staycation】超現實北歐主題打卡 尖沙咀帝樂文娜公館

客房區域
酒店設有159間客房,包括6間唔同主題嘅套房。我哋今次入住嘅係deluxe room,一入到嚟房間,牆壁上嘅畫框、歐洲仿古傢俬及仿製壁爐,真係好似去咗歐洲啲Airbnb,A姐表示勁有旅行嘅感覺!

【香港Staycation】超現實北歐主題打卡 尖沙咀帝樂文娜公館
【香港Staycation】超現實北歐主題打卡 尖沙咀帝樂文娜公館
【香港Staycation】超現實北歐主題打卡 尖沙咀帝樂文娜公館
【香港Staycation】超現實北歐主題打卡 尖沙咀帝樂文娜公館

A姐最鍾意就係房間內嘅古典茶几櫃,非常古典優雅!喺茶几就放有電熱水壺、免費嘅茶包、咖啡包、蒸餾水、雪櫃同另外收費嘅Mini Bar。

【香港Staycation】超現實北歐主題打卡 尖沙咀帝樂文娜公館
【香港Staycation】超現實北歐主題打卡 尖沙咀帝樂文娜公館
【香港Staycation】超現實北歐主題打卡 尖沙咀帝樂文娜公館
【香港Staycation】超現實北歐主題打卡 尖沙咀帝樂文娜公館

位處鬧市內嘅酒店,雖然就夠晒方便,但景觀就以旁邊嘅大廈為主。至於雙人床屬於King size,床褥軟硬度適中,而床單非常柔軟,枕頭總共有4個,加上遮光度十足,真心瞓得非常舒服。床嘅兩邊都有床頭櫃同插頭位,放吓眼鏡或電話都夠晒方便。

【香港Staycation】超現實北歐主題打卡 尖沙咀帝樂文娜公館
【香港Staycation】超現實北歐主題打卡 尖沙咀帝樂文娜公館
【香港Staycation】超現實北歐主題打卡 尖沙咀帝樂文娜公館
【香港Staycation】超現實北歐主題打卡 尖沙咀帝樂文娜公館

喺靠窗嘅位置,就係偏廳同工作位置,除咗有一張梳化之外,亦有一張長長嘅書枱,無論做嘢定擺嘢都有足夠位置。

【香港Staycation】超現實北歐主題打卡 尖沙咀帝樂文娜公館

另外,當我哋入到嚟房間,酒店亦送上歡迎嘅蛋糕、曲奇同甜品,份量非常多,夠晒驚喜!

【香港Staycation】超現實北歐主題打卡 尖沙咀帝樂文娜公館