天氣凍凍哋，又係打邊爐嘅最佳季節喇！荃灣出名就係打邊爐，如果想食得舒服又唔限時，食足5個半鐘嘅牛の鍋日本料理，就啱晒成班friend啦！除咗唔限時，牛の鍋日本料理嘅任飲任食火鍋超過200款美食，即撈海鮮、和牛、刺身、串燒、雞煲、汽水、啤酒、甜品等，選擇多到你唔信，而且食物質素都算唔錯，真係要留肚食呢餐先掂！
今日嘅湯底選擇咗黑松露龍蝦湯，上枱一刻已經聞到香濃嘅龍蝦味，唯一嘅敗筆係refill只係用上清湯，而唔係用龍蝦湯。
首先上枱嘅係有Like先有得食嘅澳洲和牛，薄薄嘅和牛淥10秒就食得，油脂分佈細密，牛肉味夠晒香濃！
至於任食嘅牛類選擇有美國肥牛同極上牛肉，我哋只係叫咗極上牛肉，比起澳洲和牛就相對較韌，但勝在牛味極香，值得一試！
除咗牛肉類，海鮮嘅選擇都唔少，有海蝦、廣島蠔、鮑片、鱸魚片等，樣樣都夠晒新鮮，而我最鍾意就係廣島蠔，大大隻又鮮味十足，好Juicy呀！
