〈好食〉行街shopping再去沙田嘆點心

買嘢我都係鍾意出去行街街多過網購，可以試啱先買，如果買電子用品仲有店員講解添。但最重要係每次行街shopping，步數次次都過萬，真係當做運動呢！今次喺沙田各大商場做運動，行到攰攰哋，一於就去嘆點心啦！

鮮蝦燒賣王
燒賣大大粒，包住最少兩大隻蝦，所以非常彈牙。

黑松露菌菇餃
黑松露菌菇餃絕對係必叫！一咬開就有超香濃嘅黑松露味，裏面爆多菌菇，香味撲鼻！加上個皮超薄，值得推介。

招牌酥皮叉燒包
一份三件嘅酥皮叉燒包，頂層酥皮非常香脆，仲甜甜地，而叉燒餡料伴隨蜜汁非常之香濃，味道充滿層次。