位於灣仔嘅香港萬麗海景酒店 35 週年喇！酒店將於 2024 年 7 月 10 日下午 5 時，推出第六期震撼優惠，今次係超抵嘅餐飲優惠：滿福樓地道粵菜指定菜式 HK$35 / HK$350，勁抵！ HK$35 嘅菜式有金絲脆腰果（原價 HK$127）及甜品拼盤（原價 HK$77）；HK$350 嘅菜式就有風味金榜開邊龍蝦（時價）及脆皮芝麻雞（原價 HK$682），平足一半，真係好抵食！呢 4 道都係滿福樓嘅招牌必點菜式，金絲脆腰果內有炸至金黃鬆脆嘅芋絲，灑上以白醋混合蜜糖的特製醬汁更開胃；甜品拼盤則有酥脆嘅香蜜蛋散、地道蛋撻仔及清香嘅迷你楊枝甘露；風味金榜開邊龍蝦以蝦乾、香茅、咖哩葉及多種香料煮成，並特意加入椰汁來突出龍蝦嘅鮮甜；脆皮芝麻雞外皮炸至金黃香脆，並沾滿香口芝麻，肉質嫩滑。
預訂日期：2024 年 7 月 10 日下午 5 時至 7 月 11 日晚上 11 時 59 分 使用日期：2024 年 7 月 12 日至 8 月 31 日，堂食享用 預訂網址：https://www.renhongkong-eshop.com/tc/product/1muSW202G702/DYNASTY?utm_source=RunHotel *須提前預訂及受條款及細則約束
香港萬麗海景酒店 地址：灣仔港灣道 1 號
