美食博覽2022將於8月11日至15日在香港會議展覽中心舉行，場內分成3區，連同其餘3個展覽，共有近千攤檔參與，喜歡美食的你又怎能錯過？記者已率先預覽場內的重點推介產品，例如福袋、$1抵買優惠，讓大家入場前做定功課！
攝影：鄧穎琪
美食博覽2022以「生活新體驗，體驗新生活」為題，場館劃分成貿易館、美食博覽公眾館及尊貴美食區，展品類別繁多，水果、零食、急凍食品、飲品、酒類等，另設香港國際茶展（至8月13日）、家電．家品．博覽、美與健生活博覽等，早點去就可留時間逛足4個展覽！
美食博覽將於8月11至15日舉行。
不設試食不准飲食仍具吸引力
由於受疫情所限，今年的美食博覽場內不設試食亦不准飲食，被問到可會怕吸引力下跌，香港貿發局署理總裁張淑芬就表示，去年同樣受疫情所限未能開放試食，但仍有31萬人次進場，今年參展商不但比去年多，再配合會展站通車、第二輪消費券發放等，她認為對人流皆是利好因素。
白桃烏龍月餅新口味 北海道牛乳撈桃膠$20壺
記者率先睇過部分重點推介貨品，由於中秋節臨近，所以多間參展商都推出月餅，除了傳統口味，亦有黑松露火腿果仁月餅、白桃烏龍奶黃月餅、沖繩燕麥香檸冰皮等比較新穎的口味。想養生的話，記推介北海道牛乳撈桃膠、老陳皮冰糖燉桃膠等，大壺只售$30、細壺更是$20，比外面很多糖水舖抵。
