相信有唔少人同A姐一樣好貪靚，其實想靚一啲都唔難，最緊要夠瞓！但如果想再靚啲，不如做埋facial，咁自然會靚上加靚啦！嚟到聖誕節，我就帶A姐去到太子嘅Hotel1936玩Staycation，同佢enjoy美肌體驗嘅兩日一夜Stcyation，等佢夠瞓之餘仲可以俾皮膚做吓保養，咁住完之後就一定容光煥發啦！
酒店大堂
被評為三級歷史建築物嘅唐樓建於1936年，所以酒店命名為「Hotel 1936 」。其實酒店主要分為2部份：唐樓樓高3層，外牆以至內部都被完整保留同復修活化；而客房區其實係全新興建，位於唐樓後座位置，樓高20層，以中國傳統嘅博古架線條作為大廈外牆設計。
以懷舊為主題嘅Hotel 1936係一間精品酒店，內部裝修盡量保留歷史嘅元素，好似木門、露台、格仔階磚等等，充滿懷舊氣息又不失時尚簡約。搭電梯去到位於3樓嘅酒店大堂，就好似坐時光機返到30年代嘅香港，呢度勁多打卡位，夠大家喺度玩半日！另外，酒店位於彌敦道，巴士選擇非常多，交通非常方便，至於步行3分鐘就到太子站或10分鐘就到旺角東站喇！
