街坊親民價海鮮盛宴 九龍城豪門小菜火鍋

地道親民價錢同豪華海鮮盛宴，睇落好似風馬牛不相及，但原來真係會有驚喜㗎 ！位於九龍城嘅豪門小菜火鍋，係一間家庭式小店，無論係海鮮、小炒，都落足心思，食物出品高質，碟碟都充滿鑊氣，所以深受街坊歡迎，至於鍾意食海鮮嘅我哋都食到舔舔脷。

胡椒大蝦

新鮮嘅大蝦用上大量胡椒爆炒，醬汁融入咗蝦殼之中，同蝦肉嘅鮮甜味融為一體，加上香味撲鼻嘅黑胡椒，味道充滿層次！至於大蝦夠大隻，肉質鮮嫩彈牙，非常好味。

豉椒炒蜆

一上枱嘅豉椒炒蜆，真係香到流晒口水。蜆肉脹卜卜，肉質鮮甜，完全無沙，加上索晒豉椒嘅醬汁，非常惹味。

冰鎮鮑魚

食左幾道濃味嘅菜式之後，冰鎮鮑魚就達到極端嘅感覺！鮑魚冰鎮過之後，更顯彈牙，而且鮮味都更為突出，帶出一份清新嘅感覺。