屯門嘅美食好多，所以今日跟住屯門街坊嚟到屯門搵食。位於屯門嘅食口福生滾麵，餐廳價錢親民，但食物出品亦不馬虎，成為屯門區嘅名氣小店。食口福生滾麵屹立多年，街坊仲表示讀書時已經成日幫襯，成為唔少人嘅集體回憶。
酥炸魷魚鬚
酥炸嘅炸粉厚度偏薄，夠晒脆卜卜之餘，仲可以感受到魷魚鬚嗰份新鮮彈牙嘅口感。食嘅時候可以加上甜酸醬，夠晒惹味。
醉香雞
半隻嘅醉香雞份量十足，酒嘅比例啱啱好，唔會太強烈，帶有淡淡酒香。至於雞肉非常嫩滑，口感同味道層次都做得非常好。
咖哩牛腩飯
食口福生滾麵嘅咖喱用上八角、月桂葉等二十種香料，以祖傳秘製方式烹調，所以味道充滿層次之餘，醬汁做非常濃郁。至於牛腩炆得軟腍，索晒汁，非常惹味。
