辣係車仔麵靈魂 尖沙咀天下無雙

10

一間會令人食過返尋味嘅車仔麵,重點一定係佢嘅秘製辣醬!位於尖沙咀嘅天下無雙,店家嘅辣醬夠晒惹味,絕對唔會令你失望。另外,車仔麵嘅份量十足,係有心經營嘅選擇。下次去尖沙咀留港消費,不如就去食碗地道嘅車仔麵啦!

無雙魷魚
魷魚被冠以店名:無雙,理所當然係店家嘅招牌啦!無雙魷魚份量十足,口感彈牙,而且非常入味,係啱晒大家share嘅小食啦!

〈好食〉辣係車仔麵靈魂 尖沙咀天下無雙

藤椒魚皮
如果食得辣,私心推介呢碟藤椒魚皮。辣度一開始以為唔算強烈,但後勁嘅麻痺感唔簡單,加上魚皮爽滑彈牙,越食越惹味。

〈好食〉辣係車仔麵靈魂 尖沙咀天下無雙

八寶麵餐
車仔麵嘅餸樣樣都想食,但又想經濟實惠,咁最啱就係叫八寶麵餐,仲可以幫助一眾選擇困難症嘅患者呢!八寶當中嘅豬腩肉、小花菇、豬皮同蘿蔔,真係好正,全部都吸收曬醬汁嘅味道,夠晒入味;至於八寶又點少得經典嘅陳皮魚蛋同雞翼尖呢,陳皮魚蛋彈牙又有魚味,而雞翼尖煮得夠腍夠入味呢!

〈好食〉辣係車仔麵靈魂 尖沙咀天下無雙

豬八戒麵餐
食車仔麵梗有一個同豬有仇!豬大腸、豬耳、豬腩肉、豬皮、豬紅…無論裏裏外外都係豬,亦係車仔麵最受歡迎嘅食材!豬腩肉用上五花腩,肉同脂肪比恰到好處;豬耳條條爽口彈牙;至於豬大腸肥美得嚟又唔會太大舊,口感一流

〈好食〉辣係車仔麵靈魂 尖沙咀天下無雙