法國大餐的親民價之選 中環La Brasserie

8

食日本菜、意大利菜、西班牙菜等各國菜式,後面都唔會配上「大餐」呢個詞;唯獨優雅精緻嘅法國菜,就評譽為法國大餐,代表世界頂尖嘅菜餚。但看似遙不可及嘅法國大餐,其實都有相對親民價嘅選擇!今次嚟到中環嘅La Brasserie,午餐有2道前菜,配搭1道主菜及甜品,抵食又好味!加上餐廳高雅嘅設計,讓你投入細膩嘅法式美味。

Tartare de Boeuf
牛肉他他可以話係法國菜嘅經典菜式之一。La Brasserie嘅Tartare de Boeuf,混合咗唔同香料,令肉味香濃之外,仲非常嫩滑,放上脆薄多士上一齊食,兩種口感,充滿層次。

〈好食〉法國大餐的親民價之選 中環La Brasserie

Les Huitres
法國盛產生蠔,所以法國大餐當然唔少得蠔啦。蠔身大大隻,即叫即炸,炸皮唔厚夠香脆,上面放有蛋黃醬調味。

〈好食〉法國大餐的親民價之選 中環La Brasserie

Tataki de Thon
午餐嘅前菜,選擇非常多,當中Tataki de Thon絕對係必點之選!呑拿魚四邊炙燒,中間保持生嘅狀態,令呑拿魚自身已帶有兩種口感,而且新鮮嫩滑。呑拿魚上放有蘿蔔、青瓜、芒果莎莎醬和紫蘇葉醬,成件事變得非常青新開胃。

〈好食〉法國大餐的親民價之選 中環La Brasserie

Rillette de Saumon
米餅嘅擺盤好似雲朵,口感香脆,食嘅時候當然要加上自家製嘅三文魚醬。三文魚醬非常creamy,巧妙地加入小香葱,令濃厚嘅醬變得清新,亦令味道加添了層次。

〈好食〉法國大餐的親民價之選 中環La Brasserie

Salade Niçoise
香港人嘅小食前菜,雞翼係最常見嘅選擇;至於西餐嘅小食前菜,又點少得沙律呢?呢個沙律用生菜包住低溫烹調嘅赤海鮪魚,加上橄欖、蕃茄、及嚟自南法嘅尼斯配料和柑橘醬,非常新鮮開胃。

〈好食〉法國大餐的親民價之選 中環La Brasserie

Gratin d’escargots
講到法國菜,有點少得法式蝸牛呢!法式蝸牛新鮮軟腍,完全無泥味。但每次食法式蝸牛,個重點自然會落咗去個薯蓉度。餐廳以整個烘鍋烤焗,所以薯蓉吸收晒全部精華,又香又滑。

〈好食〉法國大餐的親民價之選 中環La Brasserie

Beignet de Crab
炸到成個小饅頭咁,原來大有乾坤。絲絲嘅蟹肉點上法式蛋黃醬,脆口又惹味。

〈好食〉法國大餐的親民價之選 中環La Brasserie

Bahn Mi
前菜小食除咗法式嘅傳統選擇,仲有越式嘅法包!法包大大隻,麵包香脆鬆口,餡料有以雞肝醬配上雞肉絲、醃菜和新鮮蔬菜,口感豐富!

〈好食〉法國大餐的親民價之選 中環La Brasserie

Entrecote
我哋4個人,share食咗8個前菜小食之後,已經非常滿足,但其實主菜先啱啱登場。呢份牛扒採肉眼部位,肉味香濃,油香豐富,生熟度啱啱好。至於配菜就有鋪面嘅炸幼薯條,比平時食開嘅薯條更香脆,超好味!

〈好食〉法國大餐的親民價之選 中環La Brasserie

Loup de Mer
已去骨嘅鱸魚啖啖肉,加上以烤焗煮法,帶有焦香味,亦令魚皮非常香脆。主廚特意唔用香濃嘅醬汁,並以欖欖油、蕃茄、小香葱等適量調味,更突顯鱸魚嘅鮮甜味。

〈好食〉法國大餐的親民價之選 中環La Brasserie

Gambas
上碟大蝦有兩大隻,肉質彈牙,蝦頭帶有大量蝦膏,非常鮮甜。餐廳特意用上芒果同紅椒,除咗就令菜式嘅顏色更添豐富,攞盤精美之外,亦可減低油膩感,配搭得宜。

〈好食〉法國大餐的親民價之選 中環La Brasserie