〈好食〉淡口味馬拉菜 西灣河馬六

12

今日去到出名多嘢食嘅西灣河太安樓,見近排天氣凍冰冰,呢間主打馬拉菜嘅馬六就啱晒我心意,因為食完肉骨茶真係好暖胃,這個凍天就不太冷啦!不過,A姐一向都對馬拉菜興趣不大,嫌佢味道太濃,好彩呢間馬六相對淡口味,啱晒鍾意健康嘅香港人。

娘惹小食拼盤
小食拼盤有多種小食,有超鬆化嘅娘惹咖喱角,餡料十足,有薯蓉、雞肉同牛肉,好有口感;雞肉串燒以香料醃製,肉質嫩滑夠晒入味,當然唔少得配上香濃嘅沙嗲醬啦;仲有A姐大愛嘅千絲蝦捲,炸到好香脆,入面有原隻蝦,好彈牙,記住配埋甜酸醬一齊食,好惹味。

〈好食〉淡口味馬拉菜 西灣河馬六

馬拉盞通菜
同出面嘅馬拉盞唔同,味道無咁濃烈,但仍不失鹹香味,淡口味人仕都會好鍾意。

〈好食〉淡口味馬拉菜 西灣河馬六

無骨海南雞配巴生肉骨茶
無骨海南雞啲雞肉夠嫰滑,重點係唔算肥,連皮食都無好大罪惡感,而雞份量唔少,有脾有胸,飯仲可以揀白飯或椰醬飯或雞油飯,重點當然係醬汁啦,有蒜、酸辣醬同黑醬油,好惹味。而跟餐肉骨茶都有巴生同黑糊椒兩款,我哋一向都鍾意藥材味較重嘅巴生,不過,馬六嘅口味唔會太濃,淡口味人仕都會好鍾意。

〈好食〉淡口味馬拉菜 西灣河馬六

新加坡喇沙魚片摻摻
摻摻即係油麵加米粉,配料有豆卜,魚片,流心蛋同魚蛋等等,湯底夠晒椰香,唔錯。

〈好食〉淡口味馬拉菜 西灣河馬六