尋味小店 屯門吉氏

9

鍾意去餐廳小店,全因為小店總會帶俾你驚喜。嚟到屯門康景花園,喺眾多街坊美食小店之中,能夠吸引我哋嘅當然係餐廳嘅口碑同食物出品。吉氏由夫妻檔經營,由踏入門口開始,就能感受到阿吉同吉太嘅人情味,再聞到食物出品嘅香味,味絕對係吉氏嘅靈魂。

〈好食〉尋味小店 屯門吉氏

煙三文魚班尼迪
水波蛋係班尼迪嘅靈魂,而靈魂嘅精髓取決於生熟度。吉氏嘅半生熟水波蛋就恰到好處,用刀一切開,金黃色嘅蛋液就爭先恐後咁流出。微酸嘅荷蘭醬正好中和煙三文魚本身嘅鹹鮮味,再夾埋本身烤到脆身嘅英式鬆餅,令呢個醬演活咗一個恰如其分嘅大配角。

〈好食〉尋味小店 屯門吉氏

蘑菇意大利飯
意大利飯充分吸收咗蘑菇汁濃厚嘅味道,入口有嚼勁同時食到蘑菇汁嘅奶滑。而蘑菇嘅大小亦切到好配合送飯,兩者嘅口感都係軟硬適中。

〈好食〉尋味小店 屯門吉氏