早機去晚機返 東涌Mint & Basil

82

去旅行就梗係要早機去晚機返,玩足咁多日,大假先唔會嘥。但自從開關之後,啲大假眨吓眼就用晒,剩返一日大假,決定一早去東涌行outlet,午餐食主打越泰東南亞菜嘅Mint & Basil,之後睇吓飛機,自製早機去晚機返嘅一日行程。

泰式柚子鮮蝦沙律
泰式嘅前菜代表,就係泰式柚子鮮蝦沙律。微酸嘅柚子沙律正好趕走近排天氣悶熱所帶嚟嘅鬱悶。柚子份量非常多,加上爽甜嘅鮮蝦,係非常好嘅醒胃菜呀。

〈好食〉早機去晚機返 東涌Mint & Basil

越式軟殼蟹米紙卷
至於越式嘅代表,就叫咗越式軟殼蟹米紙卷。軟殼蟹口感爽脆,除咗生菜、牛油果、甘筍同青瓜之外,仲特別加入蟹籽,口感非常豐富。至於餐廳特別配上用山葵為基調嘅蛋黃醬,爽脆嘅配料遇上味道甜甜辣辣嘅醬料,味道帶有少少刺激。

〈好食〉早機去晚機返 東涌Mint & Basil

串燒沙爹
6串嘅串燒有齊雞肉、豬肉同牛肉,每款串燒都有兩串,唔洗左揀右揀!充滿肉汁嘅串燒沾上帶有花生味嘅沙嗲醬,夠晒惹味。

〈好食〉早機去晚機返 東涌Mint & Basil

泰式辣椒膏炒蜆
一如上面幾款菜式餐廳嘅餸菜都係令人滿足嘅份量,除咗主角蜆之外,仲有洋蔥同彩椒。蜆肉新鮮,而且又甜又大粒,而洋蔥同彩椒則吸收曬炒蜆嘅鮮味。加上惹味嘅辣椒膏,令人食唔停口呀!

〈好食〉早機去晚機返 東涌Mint & Basil